Коронавирусот започна да се шири и во Македонија, со оглед на фактот што во текот на вчерашниот ден го имавме  четвртиот потврден случај на заболен од коронавирус.

Мерките за претпазливост се зголемуваат, за да се спречи понатамошно проширување на заразата од овој тип на вирус.

Неопходно е сите да бидеме свесни дека како поединци мора да имаме одговорност кон сопственото и колективното здравје и поради тоа апелите мора да се почитуваат.

Како медиум кој функционира во делокругот на банкарството и финансиите ја истакнуваме нашата загриженост, а воедно и став и потреба, банките да се самоорганизираат со цел да ги заштитат вработените од можните последици од коронавирусот.

Дел од банките, на вработените во експозитурите и филијалите им достави заштитни маски и ракавици со цел да придонесат кон поголема заштита. Исто така, речиси секаде се распределени антибактериски средства за дезинфекција на раце.