На глобалните пазари доларот падна од 20-годишниот максимум минатата недела во однос на кошницата валути, при што еврото доби повеќе од 1 процент откако Европската централна банка ги зголеми каматните стапки поагресивно од очекуваното, односно за 0,5 проценти.

Индексот на доларот, кој го покажува движењето на американскиот долар во однос на другите шест најважни светски валути, минатата недела се намали за 1,2 проценти, на 106,70 поени.

Истовремено, доларот падна за 1,3 проценти во однос на европската валута, па цената на еврото достигна 1,0215 долари, блиску до највисокото ниво во последните две недели.

Курсот на доларот падна и во однос на јапонската валута, за 1,7 проценти, на 136,10 јени.