„Microsoft“ го надмина „Apple“ по пазарна капитализација и стана највредната компанија во светот чии акции се тргуваат на берзата, откако извештајот за бизнисот на американскиот производител на Ајфон не ги исполни очекувањата.

Во тргувањето на Вол Стрит до 10:30 часот по источно време, „Microsoft“ имаше пазарна капитализација од 2,45 трилиони долари, додека „Apple“ имаше пазарна капитализација од околу 2,41 трилиони долари, пренесува „CNBC“.

„Apple“ во четвртокот вечерта објави дека во периодот јули-септември, што е четврти квартал во фискалната година на компанијата, остварил приходи од 83,4 милијарди долари поради проблеми во синџирот на снабдување. Се предвидуваше на Вол Стрит дека ќе изнесува 84,3 милијарди.

Извршниот директор на „Apple“, Тим Кук, рече дека недостигот на приходи е проценет на шест милијарди долари и дека очекува проблемите со синџирот на снабдување да се влошат во кварталот октомври-декември.

Иако продажбата на Ајфон на „Apple“ се зголеми за 47 проценти во однос на претходната година, таа исто така не успеа во споредба со очекувањата на аналитичарите.

Од друга страна, „Microsoft“ деновиве објави дека во првиот фискален квартал остварил за 22 отсто поголеми приходи во однос на истиот период лани, што беше најбрзиот раст од 2018 година.

„Apple“ е првата компанија во светот што достигна пазарна капитализација од 1,0 трилиони долари во 2018 година, и првата што го надмина нивото од 2,0 трилиони долари минатата година.

„Microsoft“ минатата година успеа накратко да го надмине „Apple“ по пазарна капитализација, бидејќи пандемијата предизвика хаос во синџирите на снабдување, а во јуни оваа година достигна пазарна вредност од 2.000 милијарди долари откако за прв пат го објави првото големо ажурирање на својата програма Windows прв пат по пет години, наведе „CNBC“.