Connect with us

Форекс

Марија Дурацоска e најуспешен учесник на седмиот циклус на Виртуелната берза

Објавено

на

Најуспешен учесник на седмиот циклус од наградната игра на едукативниот портал на Македонската берза „Виртуелна берза“ е Марија Дурацоска од Струга која во текот на повеќемесечното виртуелно тргување успеа иницијално добиените 500.000 денари да ги инвестира во различни акции и играта да ја заврши со највисока вредност на хартии од вредност во портфолио од 687.500 денари.

На второ место е Роберт Михајлов од Скопје со остварена вредност на хв во портфолио од 687.445 денари, додека трет најуспешен учесник е Нина Колевска од Струмица која постигнала вредност од 683.312 денари на хв во портфолиото.

Македонската берза на тројцата најуспешни учесници ќе им додели соодветни награди кои се состојат во годишна претплата на продуктот Бестнет за следење на тргувањето на Македонската берза во живо, учество на обуките во рамките на Тренинг центарот на Македонска берза (по избор на добитникот) и доделување на Прирачник за тргување со хартии од вредност.

Овој циклус започна во ноември 2019 година и траеше се до 31 август, 2020 година. Во наградната игра беа вклучени околу 200 учесници кои преку Виртуелната берза стекнаа практично искуство од тргувањето со хартии од вредност.

На секој регистриран учесник му беа доделени 500.000 денари виртуелни пари со кои виртуелно се купуваа акции што котираат на Македонската берза по реални цени постигнати од тргувањето на Македонската берза.

Покрај едукативниот карактер, оваа игра има за цел кај секој учесник да стимулира остварување на најголема вредност на своето портфолио.

Наградната игра во рамките на едукативниот портал на Македонската берза „Виртуелна берза“продолжува, па следниот циклус се очекува да почне до крајот на годинава преку нова подобрена веб платформа.

Дел од функционалностите на новата платформа на која интензивно се работи се: респонзивност на платформата, односно можност да се пристапува и да се прилагодуваат функционалностите на играта преку мобилен уред, тргување во реално време во часовите на тргување на Берзата со прилагодување на цените со доцнење од не повеќе од 15 минути, можност за креирање на подлиги покрај официјалната лига достапна за сите.

За стартот на новиот циклус на едукативната игра и функционалностите на надградената платформа јавноста дополнително ќе биде информирана преку интернет страната на Берзата.

Форекс

Новите измени на Правилата за котација на Македонска берза, тема на три работилници со котираните компании

Објавено

на

На 22 и 23 септември, преку online платформата ZOOM, Берзата организираше три работилници на кои беа поканети сите 100 котирани компании во врска со имплементацијата на новите измени на Правилата за котација. Целта на работилниците беше детална презентација и дополнителни појаснувања поврзани со новите Правила за котација што стапија на сила на 21 септември. (more…)

Продолжи со читање

Анализи

Инвеститорскиот ден ги однесе акциите на Македонска берза во зелена зона

Објавено

на

Кризата предизвикана од вирусот Ковид-19 полека но сигурно се наминува, а за Македонската берза може да се каже дека таа е веќе минато. Акциите кои котираат на берзата ја стабилизираа својата вредност, по високиот пад што го бележеа додека коронавирусот енормно ги рушеше сите светски берзи, вклучително и нашата. (more…)

Продолжи со читање

Форекс

Што донесе „Инвеститорскиот ден” на Македонска берза?

Објавено

на

На „Инвеститорскиот ден“ на Македонска берзата кој се одржа на 18.09.2021 година по повод 25 години од основачкото собрание на Берзата, се склучија вкупно 339 трансакции што е убедливо најголем број на трансакции од јуни до денес. Вториот најголем број на трансакции на дневно ниво во овој период е 169, а просечниот дневен број на трансакции изнесува 62 трансакции. (more…)

Продолжи со читање

Популарно