Connect with us

Останато

Соработката меѓу домашните и странските компании е многу мала

Објавено

на

Соработката меѓу македонските и странските компании во земјава е многу мала, но, се прават напори истата да се зголеми. Вицепремиерот за економски прашања Кочо Анѓушев на дебатата организирана од Фајнeнс тинк рече дека е незадоволен од резултатите од оваа соработка, но посочува дека добар дел од странските инвеститори не можат да набавуваат производи или суровини од македонските компании доколку  не им биде дозволено од крајните купувачи.

Анѓушев нагласи дека Владата прави напори оваа соработка меѓу домашните и странските компании во земјата  да се зголеми преку помош за набавка на македонските компании соодветна технологија и знаење. Додека, нагласува тој, третата компонента што се однесува на организација на производството и контрола на квалитетот зависи од самите сопственици на македонските компании.

Па така, вели тој, до крајот на годината Владата преку помошта што се обезбедува со Законот за финансиска поддршка на претпријатија и преку програмите на Фондот за иновации ќе обезбеди поддршка за над 250 компании со цел тие да направат технолошки исчекор.

Анѓушев најави дека парите за помош за купување технологија согласно Законот за финансиска поддршка на претпријатијата треба да бидат исплатени до крајот на годината. Средствата за подддршка на македонските компании се зголемени и во буџетот за следната година.

Вицепремиерот смета дека голем простор за соработката на странските и домашните компании има во делот на производство на готови производи.

Фајненс тинк, невладината организација, што ја организираше вчерашната дебата, повикувајќи се на анализа што ја изготвиле неодамна посочува дека постои воспоставена соработка помеѓу домашните мали и средни претпријатија и мултинационалните компании во земјата, која што во голема мера е зависна од веројатноста на македонските компании да најдат добавувачи и потребни производи локално и од нивната политика за набавка.

,,Само 10% од вкупните обврски на мултинационалните компаниии се кон домашните претпријатија”, вели Деспина Тумановска од Фајнeнс тинк.

Околу 37% од македонските компании кажале дека соработуваат или имаат соработувано со странски компании во земјава. Најголем дел од оваа соработка се одвива во делот на давање услуги. Околу 61 отсто од мултинационалните компании кажале дека  купуваат услуги од домашни компании додека само 30 отсто можат да најдат суровини за своето призводство во земјава, а 61% од странските компании рекле дека не можат да најдат опрема и машини.

На дебатата учествуваа и претставници на македонски компании кои соработуваат со странските фирми во земјава.

Според Маријана Ангеловска од „Ариљеметал“, малите и средни фирми немаат доволно средства за да ги следат технолошките промени што ги бараат странските инвеститори. Темпото на развој се забрзува, а според неа, мерките на Владата не се доволни за да се фати моментумот. Затоа се потребни, според неа, средства од европските фондови.

Борјан Борозанов од Аптив Македонија вели дека во соработката се гледа како на бизнис интерес што треба да се развие и дека треба да се рабтои на нејзино продлабочување.

Во својата анализа Фајнeнс тинк препорачува мерки за подборување на процесот на стандардизација, за стимулирање на производството на суровини и импути и  понатамошно намалување на царинските давачки и поедноставување на царинските процедури за увоз. Препораки има и за домашните и за странските компании.

Останато

Grouper.mk прогласен за Најдобар Сајт за 2018 година во Македонија

Објавено

на

На доделувањето на наградите на манифестацијата „Сајт на годината“, која се одржа изминатава недела традиционално деветта година по ред, Grouper.mk беше избран за Најдобар Сајт за 2018 година во Република Македонија од страна на гласачите и комисијата. (more…)

Продолжи со читање

Криптовалути

4 најважни блокчејн трендови за 2019 година

Објавено

на

Додека 2019 година е веднаш зад аголот, дојде време да се размислува за настаните од 2018 година, но уште поважно, да се разгледа она што следната година може да го донесе. Блокчејн технологијата ќе донесе уште многу изненадувања.  (more…)

Продолжи со читање

Останато

Национална конференција: Граѓаните воопшто не се запознаени со мерките за вработување

Објавено

на

Во 2018 и 2019 година во однос на 2017 година е намален износот на средства што се издвојуваат за спроведување на активните програми и мерки за вработување, односно за 44% или 437 милиони денари, рече програмскиот координатор Дарко Антиќ од Здружението за еманципација, солидарност и еднаквост на жените ЕСЕ на денешната национална конференција „Дали и колку граѓаните чувствуваат бенефит од спроведувањето на активните мерки, програми и услуги за вработување“. (more…)

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange