Connect with us
P2_P_MK_1600x400

Business Man

Максим Максимовиќ [Џангл Травел Македонија]: Патувајте со нашето насмеано племе по целиот свет

Објавено

на

Џангл Травел од Србија – регионален лидер во далечни патувања деновиве отвори канцеларија во центарот на Скопје и по повод отворањето подарува патување на Бали. Џангл Травел веќе 15 години постои во Србија, а последните неколку години е апсолутен лидер во далечни патувања во нашиот регион. Со свои канцеларии во Белград, Нови Сад, Подгорица, Сараево, Загреб, а од неодамна и во Скопје, Jungle Tribe е несекојдневна агенција која на луѓето сака да им овозможи поразличен вид на патувања.

Акцентот го ставаат на искуствата со кои поубаво можат да се доживеат посетените дестинации и култури. Имаат редовни поаѓања за Бали, Тајланд, Филипини, Индија, Јапонија, Јордан, Камбоџа, Малезија, Индонезија, Сингапур, Непал, Шри Ланка, Виетнам, Јапонија, Танзанија, Занзибар, Кенија, Мароко, Куба, Мексико, Перу, Боливија, Чиле, Аргентина, Бразил, Колумбија, Коста Рика, Патагонија, Еквадор итн. Исто така имаат и редовни автобуски тури низ Европа: Португалија (Лисабон, Порто), Русија (Москва и Санкт Петерсбург), Италија (Чинкве Тере, Амалфи, Сицилија), Швајцарија и Лихтенштајн, Страсбур и Колмар, Алзак и Шварцвалд, Амстердам, Берлин, Краков, Прага, Брисел итн.

Разговаравме со ко-сопственикот на Џангл Травел Македонија, Максим Максимовиќ, за идејата, преговорите и почетоците во Македонија, идејата да се донесат патувањата на несекојдневни дестинации да бидат подостапни и за нашите граѓани, што значи да се креира нова атрактивна дестинација и патувањата кои во моментов се достапни.

Банкарство: Џангл Травел Македонија – Необични патувања конечно е реалност и во Македонија. Кажете ни нешто повеќе околу идејата да се донесат овие патувања да бидат подостапни за нашите граѓани, како се одвиваа преговорите и колку време ви беше неопходно за имплементација на овој концепт на локалниот пазар?

Максим Максимовиќ: Ова нема да биде некоја приказна која ќе ве остави подзинати. Jungle Tribe е регионален лидер во далечни патувања. Веќе долго време знаев за нив и за турите кои ги организираат. Мексико од 890 евра со вклучен авион, аеродромски такси, трансфери, хотел и водич. Прво звучи нереално. Потоа среќавате пријател кој бил на вакво патување со Jungle Tribe и е презадоволен. На крај вие решавате да одите и сте презадоволни. Јас отидов и чекор понатаму, па стапив во контакт со мојот сегашен партнер и ко-сопственик на Jungle Tribe Македонија, Филип Милосављевиќ. Прво се запознававме. Најтешко беше да се начека Филип во Србија. Филип го има свртено светот неколку пати, (на Instagram е @celisvet btw). Доаѓа во Србија, неколку дена, па оди во Јужна Америка. Се враќа на неколку дена па оди во Азија. И така 12 месеци. Буквално се ловевме тие неколку дена додека беше достапен во Белград. На крај падна рака 🙂 Иначе сеуште го имплементираме овој концепт на нашиот пазар. Кога ќе завршиме, ќе ви кажеме колку време ни било потребно. Што се однесува до документи, лиценци, останати процедури према министерството за економија и државата – се помина одлично, апсолутно за ништо не можам да се пожалам.

Банкарство: Процесот на “креирање” на едно необично патување бара креативност, ангажман и познавање на различни култури и обичаи. Дали би сакале одблиску да ни го презентирате процесот на креирање на нова дестинација, од идеја до имплементација?

Максим Максимовиќ: Би сакале 🙂 Од најблиску. Седите дома и пуштате Netflix. Гледате дека има некоја нова серија што се вика “Chernobyl”. Ја укуцувате на IMDB и гледате дека има 9.5 оценка. Ја пуштате и уживате цел викенд. Во понеделник доаѓате на работа и барате од каде има најблиску лет за Киев. Купувате карта и летате за Киев, од Солун… Барате локални тур-оператори кои го работат Чернобил како факултатива. Посетувате и договарате состаноци со хотели. Спиете во нив и го контролирате квалитетот. Договарате цени. После неколку состаноци се враќате во Скопје. Правите маркетинг стратегија, поставувате групи и датуми. Почнувате со маркетинг и продажба. Ја полните групата. Учите од грешките и наредната година поставувате повеќе групи за истата дестинација. 15 години постоење и добар менаџмент и… Доаѓате до момент кога имате редовни поаѓања за Перу, Боливија, Чиле, Аргентина, Бразил, Коста Рика, Куба, Мексико, Малезија, Индонезија, Сингапур, Тајланд, Индија, Виетнам, Камбоџа, Шри Ланка, Иран, Јапонија, Филипини, Јордан, Либан, Кенија, Мароко, Танзанија, Занзибар и цела Европа. Приказните за како се настанати овие тури не се далеку од примерот погоре.

Банкарство: Фокусот на агенцијата, како што вели и самиот назив се “необични патувања”. Што се подразбира под необични патувања и кажете ни нешто повеќе околу дестинациите кои во моментов се достапни? 

Максим Максимовиќ: На пример, имаме тура низ Перу, Боливија, Чиле, Аргентина и Бразил, која трае 27 дена и која е доста напорна, но обемна. За време на турата се поминуваат 4 годишни времиња и висинска разлика од околу 5000 метри. Турата вклучува тридневно преоѓање на Андите од Боливија во Чиле – возење со џипови, необични бои, облаци на дофат на рацете, фламингоси и нереален свет околу нас. Секогаш внимаваме нашите аранжмани да покријат и некој важен и интересен период за одредена земја. Јапонија обично ја работиме со неколку поаѓања на пролет – периодот кој во Јапонија се нарекува сакура (период кога цветаат црешите). На Тајланд го нудиме фестивалот на светлата – еден од најимпресивните и најромантичните фестивали на овие простори. Се одбележува секоја година, ноќта на дванаесеттата полна месечина, на крајот на сезоната на дождовите, најчесто во ноември. Луѓето се собираат на реките, каналите или езерата и оддаваат чест на божицата на водата така што украсените сплавови ги пуштаат во вода, притоа замислувајќи желби. Имаме редовни поаѓања за Куба, Мексико и Куба и Мексико заедно. Од Куба пример ги работиме Хавана, Тринидад и Варадеро со сите можни факултативи кои можете да ги замислите. Турите траат од 10 до 17 дена. Секогаш ги препорачуваме подолгите. Веќе кога го прелетувате пола свет до Кариби, би било најдобро да не ви “промакне” ништо. Веќе следното патување може да бирате нова дестинација, па да се вратите на Куба од кога ќе го свртите цел свет барем еднаш. Оваа година Непал е хит дестинација. Немаме еден незадоволен патник. Изгледа воздухот од Хималаите им годи на патниците, а дефинитивно и на локалното население. Имаме тури во Индија од почетнички до тури за експерти и луѓе со силен стомак 🙂 Сите наши водичи ги работат дестинациите долги години и имаат незаменливо искуство. Како да сте на гости кај пријатели во странство. Ги имаат одговорите на сите ваши прашања, идеи и желби. Имаме и посекојдневни тури. Одмор на Занзибар, Мексико, Тајланд или Бали. Убав микс на уживање и шетање. 

Банкарство: Иако сте на самиот почеток од имплементација на идејата, дали за читателите на банкарство можете да откриете што да очекуваме на почетокот од Џангл Травел? 

Максим Максимовиќ: До 04.10.2019 имаме активен “giveaway” на Instagram. Подаруваме патување на Бали 🙂 

View this post on Instagram

🎁🧨🎁 ПОДАРУВАМЕ ПАТУВАЊЕ НА БАЛИ 🧨🎁🧨 Момци и девојки, Jungle Tribe отвори канцеларија во Скопје 🥳Како регионален лидер во далечни патувања и по повод нашето отворање, сакаме да ја почнеме сезоната со подарок патување на Бали (14 дена, поаѓање 31.10.2019), со вклучен авион, аеродромски такси, трансфери, сместување и водич! 😎 . За учество е потребно: 👉🏻 Follow @jungletribemkd, @celisvet, @annstojanova, @angelagjorgieva, @antonijalokvenec, @monikapotter & @evgenij.houp 🙈 👉 Тагнете травел другарче во коментар под сликата на @jungletribemkd . Може да напишете повеќе коментари, се додека тагнувате различни луѓе❗️ . Добитникот ќе биде избран по случаен избор во петок (04.10.2019) во live видео од нашите канцеларии. . Ве сака насмеаното племе ❤️ . . . #jungletravel #jungletribe #целсвет #необичнипатувања #bali #indonesia #инстаграмџии #junglefotograf @aleksandrasashaluss

A post shared by Jungle Travel Macedonia (@jungletribemkd) on

Официјалното отворање е закажано за втората половина на октомври. Планираме да собереме многу авантуристи, водичи, претходни и потенцијални патници на исто место. Нашите водичи да презентираат и раскажуваат приказни од дестинациите кои ги работиме. Да слушаме добра музика, се дружиме и пиеме по некоја пијачка. Да запознаеме нови интересни луѓе и им го пренесеме нашиот ентузијазам за патување. Се надеваме дека 2020 година е годината кога место локалните држави, Азија, Африка или Јужна Америка ќе биде првиот избор за одмор на нашите граѓани.

Фотографија: Игор Доневски

Business Man

Challenger: Бизнисите да се приклучат на платформата за да бидат „зелени“

Објавено

на

Challenger е новата мобилна апликација за која мора да знаете, бидејќи кога ќе биде лансирана не смеете никако да ја пропуштите. Challenger е нов македонски стартап кој сака преку мобилна апликација да ги менува здравите навики на македонските граѓани, повеќе да поминуваат „зелени“ километри, да собираат поени, а со тоа и соодветни награди и признанија. Исто така Challenger сака да ги поттикне на општествена одговорност компаниите и институциите со цел да се креира нова зелена маркетинг платформа која ќе нуди многу предности. За начинот на кој функционираат како стартап, за пристапот до финансии за развој на идејата и техничкото решение, како и за тоа што ќе понуди апликацијата разговаравме со Теодора, Стефан, Олга и Митко од Challenger.

Што е Challenger? За кратко време успеавте да соберете многу внимание од јавноста која очекува многу интересен проект, особено пред почетокот на зимата кога се враќаат темите за загадувањето и проблемите со здравјето на луѓето?

Challenger e мобилна апликација за сите кои сакаат да добијат некоја награда за своите поминати зелени километри (пешки или на велосипед). Ние сакаме да ги предизвикаме нашите сограѓани, независно дали млади, студенти, родители, возрасни, активисти, оние кои се движат, кои сакаат да бидат промената во ова општество, или пак оние на кои им недостасува поттик да поминат километар повеќе, па и онаа група на луѓе кои се веќе наши локални еко супер херои.

Challenger ќе функционира на следниот начин:

1.Поминатите километри со пешачење или пак додека возите велосипед се претвораат во  Challenger поени
2. Challenger поените се заменуваат со кодови за попусти или пак бесплатни производи/услуги
3. Challenger е начин заедно да се избориме за почист воздух, да го намалиме секојдневниот сообраќаен метеж, затоа поставуваме предизвици (дневни,неделни или месечни) и за секое успешно исполнување се добиваат директни награди

Веројатно тоа што го привлече вниманието на јавноста, на наша голема среќа, е токму пристапот на нашето решение, а тоа е дека само како заедница на граѓани, бизниси и организации може да направиме промени. Затоа сакаме сите да ги повикаме да ни се приклучат во остварувањето на нашата цел, и заедно да бидеме дел од решението на аерозагадувањето, а не од проблемот.

Кој стои зад Challenger, може да ни раскажете како се склопи тимот и успевате ли да ја усогласите вашата визија, колку е голем предизвикот да се работи на ваков проект?

Приказната на Challenger започна на минатогодишниот StartupWeekend Скопје. Кога ќе се свртиме наназад сфаќаме дека работиме заедно веќе година дена, и тоа ни се чини нереално, бидејќи времето лета, како вчера да бевме во CeedHub. Еуфоријата која ја добивме не мотивираше да продолжиме првите месеци. Потоа дојдоа вистинските предизвици, кој од нас ќе продолжи да работи, како да го оформиме производот, да решиме во кој правец ќе продолжиме…. Процесот беше далеку од лесен, но едно е факт сите сме заљубени во Challenger, едноставно сонуваме да успее. Веројатно тој жар кај сите е тоа што не натера да аплицираме на различни натпревари каде што добивме и признанија. На кратко позади идејата на Challenger се Теодора, Стефан, Олга и Митко, кои воедно се основачи и на компанијата GreenIT. Наскоро ќе објавуваме и интересни текстови од нашиот тим, односно како се справувавме со нашите предизвици, избор на технологија, како ние го гледаме нашиот тим итн., така да следете го нашиот блог на www.challenger.mk 🙂

Кои ќе бидат главните цели на Challenger и како очекувате да се вклучи бизнис секторот во вашата приказна?

Главната цел на Challenger e да биде платформа преку која ќе се создава една општествено одговорна – зелена заедница, каде што луѓето развиваат навики да користат алтернативни методи на транспорт, а од друга страна локалните бизниси го подржуваат ова однесување.

Challenger е единствена платформа преку која бизнисите ќе можат да се вклучат на трендот, да бидат препознаени како зелени бизниси. На кратко бизнисите ќе може да спонзорираат предизвици и за истите да даваат директни награди на учесниците кои успешно го исполниле тој предизвик. Дополнително во нашата Challenger продавница бизнисите може да поставуваат бесплатни, или кодови за попуст за своите услуги и производи, а со самото тоа стимулираат и општествено одговорно однесување помеѓу своите сограѓани.

Ние велиме, времето да се биде ЗЕЛЕН бизнис е СЕГА, затоа им овозможуваме на бизнисите алатка без да трошат дополнителни ресурси.

Имате ли искуство со наоѓање на финансии од банкарскиот сектор, дали е тоа чекор на кој ќе треба да работите и што очекувате?

Во изминатиот период бевме во инкубациска програма подржана од банка, каде што се одборува кредит со ниска каматна стапка. Поради фактот дека сме на самиот почеток и се трудиме да го испробаме нашиот бизнис модел на пазарот, се уште не сме подготвени за подвиг на добивање финансии од банкарскиот сектор. Како нов startup, гледаме рационално и ефективно да ги користиме ресурсите кои ни се на располагање, па затоа се пријавуваме на различни настани каде што можеме да добиеме грантови или ко-финансирања. Се разбира кога ќе дојде моментот на експанзија и влегување на други пазари, тогаш финансиите од банкарскиот сектор ќе бидат потребни, но во овој момент се трудиме да најдеме алтернативни начини.

Како иновативен стартап модел дали Challenger го гледате на регионалниот и глобалниот пазар и што мислите за конкуренцијата?

Challenger е дефинитивно модел кој лесно се реплицира, и нашата првенствена замисла е Challenger да биде препознатлива алатка на Балканскиот пазар, со цел да ја развиеме Challenger и во другите Европски држави. За наша среќа на регионалниот пазар не постојат слични апликации како нашата, па конкуренцијата е занемарлива. Но, гледајќи го европскиот и глобален пазар, има апликации кои се веќе етаблирани и функционираат одлично во одредени држави, така да конкуренцијата таму е прилично силна. Се разбира, многу е рано да зборуваме за влегување на европски и светски пазари, додека не ја етаблираме Challenger на домашниот, па потоа и на регионалниот пазар. Затоа сакаме да ги имплементираме нашите планови чекор по чекор, и да оставиме пазарот и времето да ни покажат во која насока треба да се развиваме.

Продолжи со читање

Business Man

Кирил Колемишевски со одлична иницијатива, парите од дневници ги искористи за садење дрвја

Објавено

на

Заменик министерот за економија, г-дин Кирил Колемишевски во текот на вчерашниот ден иницираше прекрасна работна акција која има за основна цел зазеленување на главниот град. (more…)

Продолжи со читање

Business Man

Шекил Онил со неверојатна приказна за заштеди и инвестиции – Како до финансиски шампион?

Објавено

на

Легендарниот НБА кошаркар Шекил Онил кој доминираше во својата ера како еден од најмоќните центри, денес е успешен бизнисмен со огромно богатство вредно над милијарда долари. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange