Connect with us

Останато

Макрадули: Загубите од досегашното неработење на платниот промет се големи

Објавено

на

Покрај пандемијата на вирусот Ковид-19 на Пошта на Северна Македонија минатата година и се случи и стечајот на Еуростандард банка што од 12 август сериозно придонесе за негативниот финансиски тренд на компанијата и генерирање сериозни загуби, посочи денеска генералниот директор на Поштата, Јани Макрадули.

„Во најдобрите денови имало и два милиони денари дневен промет, односно 20 милиони денари месечно. Прометот се движел од 15 до 20 милиони денари месечно со што излегува дека загубите од неработењето на платниот промет се големи”, рече Макрадули во одговор на прашање по посетата на поштата во Карпош заедно со членот на Управниот одбор на Халкбанк А.Д. Скопје, Букет Геречџи.

Компанијата, како што рече, ја наследил со тековен финансиски минус од 2,5 милиони евра и акумулиран минус од 10-тина милиони евра, кои, посочи, не секогаш се по вина на менаџментот на Пошта, туку за него придонеле и неколку одлуки на владите и на Собранието.

„Со одлуки на владите и на Собранието се простени долговите кон Пошта, а 4,2 милиони акции кои се продале од Поштенска банка пред 10-тина години не биле вратени во Пошта и се акумулирал минус од 10-тина милиони евра. Но, ние мораме да најдеме начин финансиски да ја стабилизираме компанијата и тоа ќе го направиме со воведување на нови услуги, со електронската трговија која верувам дека ќе започне на 8 март и со воведување и на други заеднички услуги со нашите партнери од Халкбанк”, рече Макрадули.

Пошта, како што посочи, има 2035 вработени од кои 800 се пошто разнесувачи, а заедно со шалтерите на платен промет се околу 1.300. За жал има вишок во делот на администрација.

„Имаме луѓе кои не придонесуваат онака како што треба и товарот паѓа на помалку кои ја вршат и нивната работа. Во овој момент сакаме финансиски да ја стабилизираме компанијата за  да можеме потоа кредибилно да се претставиме во светот. Структурата на вработените во Пошта е повозрасна и 60 проценти се од 55 години нагоре, а 60 отсто од вработените имаат средно образование. Голем дел одат во пензија и потребна е свежа крв да влезе  за компанијата да биде поатрактивно во работењето и да биде поконкурентна. Можеби со прераспределба полесно ќе се решат проблемите”, истакна Макрадули.

Има луѓе со кои разговараме за јавно приватно партнерство, додаде, а предноста на Пошта, е што има инфраструкутра и ја покрива цела територија на државата, како и искуството и знаењето на луѓето што работат во Пошта.

„Тоа е атрактивно за одредени субјекти иако во моментов имаме уште нерасчистени објекти во кои сопственоста е заедно со Телеком. Треба прво тој процес да го завршиме  па потоа можеме да зборуваме за продажба. Нас ни треба ноу хау, односно  да увеземе знаење во однос на некои работи кои треба да ги направиме побрзо и поефикасно и треба да учиме од регионот. Во овој момент повеќе разговараме како да примениме одредено знаење во секојдневната пракса и дел од активностите што ги почнуваме одат во правец на приоритетите кои постојат во поштите во Европа каде 68 отсто од приходите припаѓаат на електронската трговија. Посериозно мораме да влеземе и во пакетскиот дел. Тоа се укажувањата кои ги имаме од секаде и кои сакаме да ги примениме”, рече Макрадули.

Пошта во партнерство со Халк банка од денеска повторно ја стартува работата на платниот промет. Денеска стартуваа услугите во 35 поштенски единици, за утре или задутре е најавено отворање на уште едена, а до крајот на неделава, по истекувањето на тест периодот за софтверски и безбедносни протоколи и за продукцискиот дел, ќе почне во сите 300 единици ширум земјава.

Останато

Нина Ангеловска по втор пат избрана за “жена амбасадор за е-трговија” на УНКТАД

Објавено

на

Нина Ангeловска, по втор пат беше избрана за „жена амбасадор на e- трговија“ од страна на УНКТАД – телото на Обединетите нации за трговија, инвестиции и развој, заедно со уште пет други успешни жени претприемачи од целиот свет. (more…)

Продолжи со читање

Останато

Дигитализацијата на образованието да се реализира во инклузивен процес

Објавено

на

Информациските и комуникациски технологии доколку се користат на соодветен начин можат да допринесат за значително подобрување на квалитетот на живот, работа и создавање нови вредности, со што повеќекратно се оправдуваат напорите за имплементација на овие технологии, реагира Саша Огненовски од ИКТ Комората на Македонија поврзано со полемиките кои се водат во јавноста околу воведување на дигитализација на учебниците во образовниот процес. (more…)

Продолжи со читање

Останато

МФ и УНДП потпишаа Меморандум за унапредување на фискалната децентрализација, реформи во јавните финансии и економски развој

Објавено

на

Програмата за развој на Обединетите нации (УНДП) ќе ги поддржи планираните реформи во насока на унапредување на фискалната децентрализација во земјава и зајакнување на капацитетите на локалните власти, како и градењето подобар систем на јавни финансии, воопшто. Помеѓу Министерството за финансии, претставувано од министерот за финансии, Фатмир Бесими и постојаната претставничка на УНДП во земјава, Нарин Сахакјан беше потпишан Меморандум за разбирање, којшто предвидува соработка во повеќе области. (more…)

Продолжи со читање


Популарно