Connect with us

Останато

Македонско-швајцарска бизнис организација за зајакнување на економската соработка со Швајцарија

Објавено

на

Претседателката на Македонско-швајцарскиот бизнис клуб, Јасминка Талеска оствари работна средба со амбасадорот на Република Северна Македонија во Берн, Швајцарска Конфедерација, Кенан Рамадани на која се разговараше за воспоставување на деловна организација, комора или бизнис клуб, на швајцарски компании која ќе делува во Швајцарија во насока на интензивирање на економската соработка помеѓу двете држави.

„Средбата помина во одлична атмосфера, со амбасадорот Рамадани ги споделивме заедничките размислувањата за поширокиот бенефит од поврзување во една мрежа на швајцарските и македонски компании. Идентификуван е голем потенцијал за натамошно унапредување на соработка меѓу компаниите од двете земји што ќе резултира со зголемена трговска размена и инвестиции. Во оваа комора ќе ги вмрежиме компании кои се регистрирани во Швајцарија и работат таму и во Македонија, а ќе ги поврземе и со Бизнис клубот кој делува во Македонија“, истакна Талеска, додавајќи дека амбасадата ќе даде поддршка за формирање на комора во Швајцарија, а Македонско-швајцарскиот бизнис клуб преку веќе воспоставените релации и планираните активности исто така ќе даде придонес кон унапредувањето на деловната соработка.

Амбасадорот Рамадани истакна дека владините економски и бизнис политики се едни од приоритетите на дипломатското претставништво и со тоа и приоритет во планираните активности.

„Во таа смисла во претстојните активности ќе се стави акцент на засилено  промовирање на бизнис придобивките и инвестициите на бизнис заедницата како во Швајцарска Конфедерација така и на швајцарските бизнис чинители во Република Северна Македонија, со цел меѓусебно запознавање и таргетирањето на идните заеднички цели“, истакна амбасадорот Рамадани.

Во наредниот период, се планира да се организира средба на компаниите во Амбасадата на Република Северна Македонија во Берн.

Македонско-швајцарскиот бизнис клуб кој делува во нашата земја е формиран во 2019 година со поддршка на Амбасадата на Швајцарија во Скопје и Сојузот на стопански комори на Македонија. Активностите на Бизнис клубот се насочени кон вмрежување на компаниите со швајцарски капитал кои работат во Македонија, застапувајќи ги нивните интереси и посредувајќи во поддршка и унапредување на деловната соработка, како и нивно поврзување со другите бизнис-клубовите кои се активни во земјите во регионот. Бизнис клубот обезбедува информации и услуги за деловната и инвеститорската заедница и дава поддршка на новите швајцарски инвеститори и промовирање на извозот на стоки и услуги од Швајцарија во Северна Македонија и од Северна Македонија во Швајцарија.

Останато

СИСТЕМОТ КОНЕЧНО АЖУРИРАН – Корисниците на МојДДВ може да се вратат на напредниот скенер за скенирање на фискални сметки

Објавено

на

Управата за јавни приходи, ги информира корисниците на апликацијата МојДДВ, дека може да се вратат на напредниот скенер за скенирање на фискални сметки. (more…)

Продолжи со читање

Останато

ЗАГРИЖУВАЧКИ ПОДАТОК – Луѓето поминуваат по 4 до 5 часа во просек на ден на мобилните апликации!?

Објавено

на

Истражувачите на пазарот на мобилни апликации открија дека потрошувачите поминуваат се повеќе време со своите паметни телефони. Според истражувањето на „data.ai” (порано App Annie) во 13 земји, луѓето моментално посветуваат 4 до 5 часа од својот ден на мобилни апликации. (more…)

Продолжи со читање

Останато

Поголем дел од светската популација ќе користи дигитални паричници до 2026 година

Објавено

на

Повеќе од пет милијарди луѓе ќе користат дигитални паричници до 2026 година. Водечки фактор во нивното ширење ќе бидат „супер-апликациите“ кои ќе го поттикнат нивното усвојување меѓу луѓето, особено во земјите во развој, според глобална студија. (more…)

Продолжи со читање


Популарно