Connect with us

Компании

Македонски Телеком со раст во интернет и ТВ сегментот и позитивен тренд на ИКТ услугите

Објавено

на

Македонски Телеком во првите девет месеци од 2020 година бележи добри резултати и покрај предизвиците на работењето што ги наметна ковид-19 пандемијата. Продолжува трендот на раст на бројот на корисниците во сегментот на интернет и телевизија, а се забележува и нов позитивен тренд во ИКТ областа. Приходите од продажба на Македонски Телеком во првите девет месеци од 2020 година се стабилни, за 0,1 отсто помалку во споредба со претходната година и изнесуваат 7,927 милиони денари. Оперативната добивка пред камати, оданочување и амортизација (EBITDA) е намалена за 5,2 отсто, во споредба со истиот период претходната година.

Продолжува трендот на раст во интернет и ТВ сегменот

Во првите девет месеци од 2020 година продолжува да расте бројот на корисници во интернет и ТВ сегментот. Базата на корисници со пристап до широкопојасен интернет е зголемена за 4,7 отсто, при што вкупниот број изнесува 209,8 илјади. Македонски Телеком и понатаму останува на позицијата лидер на пазарот во ТВ сегментот, нудејќи ексклузивни содржини и уникатно ТВ искуство. Со зголемувањето на бројот на овие корисници за 5 отсто, во првите девет месеци од 2020 година Македoнски Телеком ја зацврстува својата водечка позиција со база од над 140 илјади корисници. Како резултат на овој раст се бележи зголемување на приходите oд интернет сегментот за 1,9 отсто и од ТВ сегментот за 7,1 отсто.

Нов позитивен тренд во областа на ИКТ услугите

Растечкиот тренд на користење на ИКТ и Cloud решенијата и услугите доведе до зголемување на приходите од системска интеграција и ИТ услуги за 42,3 отсто во споредба со истиот период минатата година. ИКТ услугите и решенијата што ги нуди Македонски Телеком, како и загарантираната сигурност на податоците и интернет заштитата, се предуслов за овој раст кој го позиционира Телеком како партнер за дигитализација на бизнисите.

Стабилна и квалитетна мрежа во услови на забрзана дигитализација

Изминативе девет месеци континуирано се инвестираше за зајакнување на капацитетот на мрежата, за да се задоволат зголемените дигитални потреби на приватните корисници и бизнисите. Македонски Телеком останува посветен на беспрекорно одржување на капацитетот на мрежата и интернет пристапот, за да обезбеди непречена комуникација.

Компании

Измени во составот на Надзорниот одбор на Триглав пензиско друштво АД Скопје

Објавено

на

Триглав пензиско друштво АД Скопје преку соопштение на Македонска берза ја известува јавноста за измени во органите на управување на компанијата. (more…)

Продолжи со читање

Компании

ИутеКредит станува банка!? – Компанијата купи 10 отсто од акциите на EnergBank Молдавија

Објавено

на

Естонската финтек компанија ИутеКредит ги купи првите 9,976% од акциите на молдавската EnergBank, што е првиот чекор на компанијата кон станување банка. При трансакцијата на молдавската берза се купени 199.519 акции по цена од 170,44 леи по акција, со вкупна вредност од 1,7 милиони евра. (more…)

Продолжи со читање

Компании

Apple е првата компанија чија пазарна капитализација надмина 3.000 милијарди евра

Објавено

на

Американскиот технолошки гигант „Apple“ објави дека стана првата компанија во историјата која достигнала пазарна капитализација од 3.000 милијарди долари. (more…)

Продолжи со читање

Популарно