На седницата одржана на 11.02.2021 година Одборот на директори на Македонската Берза донесе одлука за котација на Деветнаесеттата емисија на обврзници за денационализација.

Деветнаесеттата емисија на обврзници за денационализација е со следните карактеристики:
–    Вид на хартијата од вредност: Деветнаесеттата емисија на обврзници за денационализација, издадена во дематеријализирана форма, гласи на име и е неограничено пренослива;
–    Издавач: Република Северна Македонија;
–    Вкупен износ на емисијата: 11.500.000 евра;
–    Номинална вредност на една обврзница: 1,00 евро;
–    Број на издадени обврзници во емисијата: 11.500.000;
–    Датум на издавање: 11.02.2021 година;
–    Каматна стапка: 2% годишно, на остатокот на расположивата главнина за отплата. Каматата се пресметува од 11.02.2021 година;
–    Рок на достасување на обврзниците: 01.06.2030 година;
–    Начин на отплата: Каматата и главнината се исплатува еднаш годишно, на 01.06., во период од 10 години, започнувајќи од 01.06.2021 година;
–    Почеток на тргување со обврзниците: 15.02.2021 година, на Официјалниот пазар на Македонската берза;
–    ИСИН: MKMINF200DJ9;
–    Шифра за тргување на Берзата: RMDEN19;