Тргувањето на Македонска берза беше стопирано по галопирачкиот пад на вредноста на МБИ10 индексот, откако утрово беа зголеми тензиите во Украина, при што Русија започна инвазија и навлезе длабоко на украинската теериторија.

Светските берзи бележат висок пад на вредноста на индексите, а ниту нашата берза не остана имуна на случувањата во Украина.

Утрово, по почетокот на тргувањето на Македонска берза речиси сите акции бележат висок пад на вредноста за 10 проценти, колку и што е дозволениот максимум.

„Доколку почетната продажна цена на акциите наведена во поднесеното барање отстапува за повеќе или помалку од 10% од последната просечната цена на тргување на редовното тргување, во прилог кон барањето, членката на Берзата која ги застапува продавачите на акции задолжително го доставува и налогот за продажба на акциите даден од продавачите на акциите, како и изјава од продавачите на акциите во која тие изјавуваат дека се запознаени дека цената наведена во налогот за продажба на акциите отстапува за повеќе или помалку од 10% од последната просечната цена на тргување со предметните акции.”, е наведеново Правилникот за тргување на Македонска берза.

Во време кога вледееше пандемијата на коронавирусот и кога имаше голема неизвесност на светските финансиски пазари, економијата бележеше огромен пад и целиот свет беше во застој, тргувањето на светските берзи беше ограничено, а тој тренд го следеше и Македонската берза.

Во меѓувреме, на пандемијата и се гледа крајот, но светот е пред прагот на нова Светска војна, доколку во судирот помеѓу Русија и Украина се вклучат и останатите светски велесили.

Па, токму тоа беше повод за страв и немир кај инвеститорите кои побрзаа да ги продадат своите хартии од вредност, а тоа придонесе за висок пад на берзата.

За да не дојде повторно до нов галопирачки пад на вредноста на хартиите од вредност, за очекување е Македонска берза повторно да го ограничи тргувањето и наместо досегашниот дозволен максимум од 10% отстапување од просечната цена, тоа да го сведе на максимални 5%.

Овој потег ќе ги смири инвеститорите, бидејќи нивните хартии од вредност нема вртоглаво да ја губат вредноста.