Connect with us

Останато

Луѓето што навреме си заминуваат од работа се посреќни и поздрави

Објавено

на

Според многу истражувања, апсолутно нема никаква корист од прекувремената работа бидејќи таа штети не само на работата што ја работите туку и на вашиот друштвен живот, менталната состојба и воопшто здравјето.

Можеби не ви се чини така, но верувајте, луѓето што навреме си одат од работа се посреќни и поздрави, пишува „Brightside.me“.

1. Прекувремените работни часови не се продуктивни

Истражувањата покажаа дека по одреден период, работењето повеќе часови на работа има исти резултати – секој дополнителен час поминат во канцеларијата е помалку продуктивен од претходниот и дури предизвикува назадување. Затоа многу компании ја мерат продуктивноста според резултатите наместо часовите и не се грижат ако работите помалку часа сè додека си ја завршувате работата.



2. Ќе бидете поздрави

Прекувремените работни часови резултираат со зголемен ризик од кардиоваскуларни заболувања, замор, ниско ниво на енергија и лошо здравје. Истражување спроведено на 3 континенти откри дека луѓето што работат над 55 часа неделно имаат 33 отсто поголем ризик од мозочен удар во споредба со луѓето што работат под 40 часа неделно. Исто така, во истражувањето се вели дека вработените што работат премногу имаат 13 отсто поголем ризик од срцеви заболувања.

3. Повеќе работи ќе завршите во текот на денот

Ако се навикнете на идејата дека треба да ги завршите сите задачи до 17 часот, тогаш ќе сфатите дека немате многу време и тоа е одлично. Избегнувајте долги паузи за кафе или непотребни разговори со колегите, па така подобро ќе управувате со времето. Луѓето што го практикуваат овој распоред на работа споделуваат дека од работа си заминуваат чувствувајќи се добро за тоа колку им бил продуктивен денот.

4. Поставете граници

Поставувањето граници и давање до знаење на колегите дека си заминувате навреме, дури и ако колегите сакаат да останат подоцна, поставува правилна атмосфера во канцеларијата. Често луѓето не си одат навреме бидејќи не сакаат да бидат „црната овца“ и не сакаат да изгледа дека не се доволно посветени. Важно е да разберете дека онаму каде што работата завршува, почнува вашиот живот.



5. Ќе уживате во дополнителното слободно време

Можеби никогаш нема да почувствувате напор кога сте на работното место ако си ја сакате работата, но кога ќе си дадете дозвола навреме да си заминете, ќе се чувствувате добро знаејќи дека имате дополнително време за себе. Можете да го поминете со семејството и пријателите, играјќи спорт, шетајќи го кучето и посветувајќи време на вашето хоби.

Овие активности ги надополнуваат вашите резерви на енергија.

Останато

Најпознатото јаболко „Apple” стана највредната компанија во светот

Објавено

на

Саудискиот државен нафтен гигант „Saudi Aramko” повеќе не е највредната компанија во светот, бидејќи мораше таа титула да ја препушти на американски „Apple”. (more…)

Продолжи со читање

Останато

Бруто домашниот производ на ЕУ се намали за рекордни 11,9 проценти во вториот квартал

Објавено

на

Во Европската унија и Еврозоната во вториот квартал на 2020 година, економските активности се намалија рекордно на квартална и на годишна основа уште од 1995 година, односно од почетокот на објавувањето на податоците за БДП, покажаа првите проценки на Евростат во петокот. (more…)

Продолжи со читање

Останато

ФИТР ја укина финансиската помош за компании од листата на УЈП за неисплатени плати од државна помош

Објавено

на

Фондот за иновации и технолошки развој ја информираше јавноста дека ја запира реализацијата на проектите од компании што се најдоа на листата на УЈП за неисплатени минимални плати од државна помош. (more…)

Продолжи со читање

Популарно