Connect with us

Странски банки

Лагард: Економијата во Еврозоната во подобра состојба од очекуваното

Објавено

на

„Економската активност на еврозоната е забавена во споредба со 2022 година, но оваа година ќе биде „значително подобра“ од предвиденото – и покрај инфлацијата и енергетската криза”, изјави во Давос претседателката на Европската централна банка (ЕЦБ), Кристин Лагард.

„Вестите станаа многу попозитивни во последните недели“, така што тековната година „нема да биде фантастична, но ќе биде многу подобра отколку што се плашевме“, рече Лагард на Светскиот економски форум во Давос.

Пазарите на трудот, особено во Европа, никогаш не биле подинамични со невработеност на најниско ниво во последните 20 години, рече таа.

Таа конкретно се осврна на Германија, првата економија во Европа која, според германскиот канцелар Олаф Шолц, ќе избегне рецесија во 2023 година, и покрај сè уште тензичната ситуација поради енергетската криза.

Германија, погодена од инфлацијата која ги зголемува трошоците на преработувачката индустрија – моторот на нејзината економија – се чини дека се држи подобро од очекуваното благодарение на силната потрошувачка и значителните придобивки.

Европската комисија, пак, предвидува намалување на БДП на еврозоната, како и на целата ЕУ, во последниот квартал од 2022 година и во првите три месеци од 2023 година, по што ќе следи закрепнување.

Лагард посочи дека инфлацијата е превисока, иако растот на цените е забавен по надминувањето на 10 проценти во октомври.

„Централната банка е решена да ја врати инфлацијата на (целните) два проценти во догледна иднина“, рече Лагард, додавајќи дека банката ги презема сите можни мерки за да го постигне тоа.

Странски банки

Светска банка ја ревидираше прогнозата за раст на македонската економија

Објавено

на

Светска банка ги ревидираше своите очекувања во однос на бруто домашниот производ (БДП) на Македонија. Новата прогноза на Светската банка е раст на економијата за 2,4 проценти во 2023 година. (more…)

Продолжи со читање

Странски банки

Европската централна банка: Реалните плати во еврозоната драстично паѓаат

Објавено

на

Реалните плати во еврозоната се значително пониски отколку во периодот пред пандемијата и, веројатно, ќе се намалат уште повеќе во наредните месеци поради брзиот раст на цените, предупреди денеска Европската централна банка (ЕЦБ). (more…)

Продолжи со читање

Странски банки

Рекордна загуба за швајцарската централна банка во 2022 година

Објавено

на

Швајцарската централна банка оствари рекордна годишна загуба од 132 милијарди швајцарски франци (143 милијарди долари) во 2022 година, најголема во нејзината 115-годишна историја. (more…)

Продолжи со читање

Популарно