Connect with us

Колумни

Криминалците ја користат кризата Covid-19 за финансиски криминали

Објавено

на

Пандемијата COVID-19 доведе до невидени глобални предизвици, човечко страдање и економско нарушување. Огромен број на канцелариски работници на глобално ниво може да работат од дома, вклучително и до 90% од банкарските и осигурителните работници. Повеќето од овие вработени се најавуваат на системите на нивните фирми од далечина, присуствуваат на состаноци користејќи ја технологијата, и имаат пристап до податоци кои што не се јавни преку Интернет – понекогаш преку домашни компјутери и приватни уреди. Бидејќи клиентите на повеќето финансиски институции, исто така, остануваат дома, вршењето финансиски трансакции преку Интернет станува не само погодност, туку и неопходност.

Овој начин на функционирање ја зголемува можноста на криминалците да ја искористат ранливоста и да извршат финансиски криминали, вклучувајќи измама, компјутерски криминал, погрешно насочување или експлоатација на владини фондови или меѓународна финансиска помош, што создава нови извори на приходи за криминалците.

“Перачите” на пари исто така можат да ја искористат зголемената потреба на финансиските институции да ги идентификуваат своите клиенти преку Интернет. Во нормални услови, сајбер нападите и прекршувањата на АМЛ регулативите ги изложуваат финансиските институции на значителни оперативни и репутативни ризици. Во исклучителни околности, како сегашните, тие ризици би можеле дополнително да се влошат.

Работните аранжмани од дома со пристап од далечина до корпоративните мрежи значително ги зголемија нападите на сајбер криминалците. Одредени податоците покажуваат дека сајбер- заканите поврзани со Covid-19 се во пораст. Постојат податоци дека нападите со откупнина (ransomware attack) се зголемени за 148% во март 2020 година во однос на нивото во февруари 2020 година. Меѓу различните сектори, секторот за финансии беше главна цел, со раст од 38% во компјутерски напади против финансиски институции. Слично на тоа, идентификувани се над 1.500 домени со висок ризик создадени на или по 1 јануари 2020 година, содржејќи ги во своето име и Covid-19 и одредена финансиска тема. Гугл, во меѓувреме објави дека се испратени 240 милиони дневни спам пораки поврзани со Ковид-19.

Постојат неколку активности кои што можат да се идентификуваат а кои што се поврзани со COVID-19:

1. Измами со упад – се обидуваат да побараат донации, да украдат лични информации или да дистрибуираат малициозен софтвер со импонирање на владини агенции (на пр., Центри за контрола и спречување на болести), меѓународни организации (на пр. Светска здравствена организација) и сл.

2. Измами за инвестиции – Инвеститорите мора да бидат претпазливи во измамите поврзани со инвестициите во врска со Covid-19, како што се промоции кои лажно тврдат дека производите или услугите на одредени компании можат да спречат, откриваат или лекуваат коронавирус.

За време на превентивните ограничувања во моментот, финансиските институции и нефинансиските бизниси кои не можат да го потврдат физички идентитетот или да вршат физичко чување на оригинални документи, можат да развиваат и применуваат неконвенционални методи на задоволително познавање и проверка на клиентите, но мора да ги документираат нивните процеси. Понатаму, финансиската неволја на клиентите може да бара нетипично трансакциско однесување како што се парцијални порамнувања на сметки. За таа цел, институциите мора внимателно да ги анализираат плаќањата за да разликуваат некарактеристично, но легитимно однесување од навистина сомнително однесување. Исто така институциите мора да продолжат да употребуваат приоритет на ризик т.е да продолжат да ги оценуваат профилите на ризик, производите и услугите на клиентите, базите на клиенти и деловните односи, истовремено да бидат повнимателни кон зголемениот ризик од финансиска измама, компјутерски криминал и слични недозволени активности.

Институциите мора да продолжат со користење на ефективни системи и контроли на одржување на интегритетот на финансискиот пазар. Тие мора да бидат претпазливи на развојот на типовите на криминал и мора да бидат подготвени да ги изменат своите контроли за да одговорат на новите закани.

Христијан Блажовски – специјалист за спречување перење пари

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање

Популарно