Connect with us

Анализи

Кредитите на домаќинствата зголемени за скоро 10% за една година

Објавено

на

Граѓаните масовно се задолжуваат во банките за потрошувачки и станбени кредити. Економистите апелираат во вакви услови банките да бидат претпазливи при доделувањето на кредитите, бидејќи кога расте задолжувањето на граѓаните тоа значи дека нивните приходи не им стигнуваат да ги трошат за целите за кои ги планирале.

Вкупните кредити на домаќинствата во јуни годинава се зголемиле за еден процент на месечна основа, а за 9,7 % на годишна основа, покажуваат податоците на Народната банка на Република Македонија.

Анализирано според наменета на кредитите од физичките лица, кај најзастапената категорија, потрошувачките и станбените кредити, е евидентиран месечен раст од 1,3 %, односно 1,2 %, што на годишно ниво изнесува 11,1 % и 14,9 %.

Месечен пад од два процента е забележан кај автомобилските кредити и од 0,5 проценти кај негативните салда на тековните сметки, а по овие два основа на годишно ниво е остварен раст од 0,2 отсто односно 4,8 %. Во јуни годинава кредитите одобрени на кредитни картички се непроменети на месечна основа, а на годишно ниво бележат намалување од 0,8 %. Во јуни кај кредитите одобрени врз други основи е остварен месечен раст од 0,6 отсто при годишно намалување од 0,8 %.

– Вкупните кредити во Македонија во јуни годинава се зголемиле за 0,9 % на месечно ниво, што се должи на зголеменото кредитирање и во корпоративниот сектор и кај домаќинства, кои имаат речиси еднакво учество во месечната промена. На годишна основа кредитниот раст изнесува 6,2 %, во поголем дел од зголемено кредитирање на секторот домаќинство, кое учествува со 74,2 % во растот – истакнуваат од НБРМ.
Томе Неновски, професор на „Американ колеџ“, вели дека за таквите кредитни остварувања на банките причината е воздржаноста на банките од поинтензивно кредитирање на стопанството поради неизвесноста за идните општествено-економски случувања во земјата, што ја зголемува нивната претпазливост при пласирањето на своите средства имајќи ја предвид високата ризичност на пласманите во претпријатијата.

– Ризиците во одобрувањето кредити на домаќинствата, а особено за станбена изградба, се далеку помали отколку ризиците за одобрување кредити на стопанството во услови на неизвесност за негово дејствување – истакна Неновски.
Следните причини што доведуваат до зголемување на потрошувачките и станбените кредити, смета Неновски, се и помалата ризичност при кредитирањето на населението (подобра и поефикасна заштита од кредитен ризик), високата ликвидност на банките, која тие мораат некаде да ја ангажираат заради зачувување на својата профитабилност, потоа сѐ уште присутната атрактивност на каматните стапки на станбените кредити, но и зголемени потреби за финансирање на летните одмори.
– Исто така, големата разлика помеѓу приходите и потребите, делумно е и една од причините за зголемените кредити на населението, но првенствено се влијателни претходно наведените причини – објаснува Неновски.

Неодамна од институтот за економски истражувања и политики „Фајненс тинк“ истакнаа дека семејства со вработени лица што земаат минимални плати, семејства со пензионери што земаат минимални пензии, и разни други структури на семејства, се соочуваат со голем недостиг од средства за да си ја „купат“ минималната потрошувачка кошница.
– Секако, овој недостиг може да го задоволат со земање кредити, а растот на потрошувачките кредити се должи токму на оваа разлика помеѓу приходот и потребите на семејствата, во комбинација со намалените каматни стапки на овие кредити – нагласуваат од „Фајненс тинк“.

Според официјалните податоци на Стопанска банка – Скопје и на НЛБ банка, минатата година нивната вкупна изложеност по ненаменски или потрошувачки кредити надминува 656 милиони евра и кај двете банки тој продукт е најбаран и со најголема стапка на раст во однос на 2016 година.

Анализи

По турската лира паѓа и руската рубља

Објавено

на

Рубљата остро се амортизираше – на отворањето на московската берза денес, па така еден долар беше разменет за над 68 рубљи и еврото за повеќе од 76 рубљи.

Индексот на акции РТС падна за 0,9%, објави Би-Би-Си.

Аналитичарите  руската валута  велат дека е под притисок последните денови. В петокот таа  падна на психолошката  граница от 67 рубљи за долар.

Хасет: Падот на лирата е знак дека Турција има проблеми со економија

Основен фактор за обезвреднување  на рубљата се американските санкции, но има влијание и падот на турската лира.

Продолжи со читање

Анализи

Која е Тирана Банка и зошто Комерцијална Банка ја купи?

Објавено

на

Од извештајот на независната ревизија на „Делоит Албанија“ направена во мај годинава се гледа дека „Тирана Банк“ има акумулирана загуба од 33,2 милиони долари заклучно со крајот на 2017 година. Од достапните податоци се гледа дека „Комерцијална банка“ ќе учествува во купување на значајно помала банка во соседната држава. Лани „Тирана Банк“ завршила со добивка од 4,7 милиони долари. Тоа во споредба со 2016 година е солиден прогрес затоа што преклани „Тирана банк“ завршила со загуба од 4,7 милиони евра.

Податоците за клучните приходи покажуваат дека лани „Тирана банк“ имала нето приходи од камати и од надоместоци вкупно 18,83 милиони долари. Имено, лани од камати банката има приход од 17 милиони долари и тие бележат пад од 3 милиони долари во споредба со 2016 година. Нето приходите од камати изнесуваат 15,2 милиони долари и тие се за 1,5 милиони долари односно за 10 отсто пониски од 2016 година. Кај провизиите трендот бил растечки. Бруто приходот од провизии и надоместоци е 3,82 милиони долари и бележи раст од 45.000 долари во однос на 2016 година. Нето приходот од провизии и надоместоци е 3,63 милиони долари и бележи раст од 27.000 евра во однос на претходната година. Најголеми расходни ставки се: останатите оперативни трошоци и трошокот за вработени. Првата ставка носи 8,5 милиони долари, а втората 5,7 милиони долари. Трошоците во однос на двете ставки растат во однос на 2016 година. И кај двете растот е за по околу 900.000 долари.

Депозитната база на „Тирана банк“ е околу 550 милиони долари и во однос на 2016 година е намалена за над 23 милиони долари. На другата страна заемите дадени на банките биле на ниво од 239 милиони долари што е раст за околу 37 милиони долари во споредба со 2016 година. Заемите кон коминтентите на крај на 2017 година се на ниво од 24,04 милиони долари и тие бележат раст од 10,8 милиони долари.

„Комерцијална банка“ најави дека ќе учествува во купување на албанската банка „Тирана Банк“ заедно со групацијата „Балфин Груп“. „Тирана Банк“ е прва приватна банка основана во Албанија во 1996 година. Доминантен акционер на оваа банка е грчката „Пиреус банка“ која всушност и ќе биде продавач на акциите на новите сопственици. Од „Комерцијална банка“ соопштија дека продажбата ќе се реализира преку трансакција откако ќе биде одобрена од регулаторните тела на двете држави.

Продолжи со читање

Анализи

Доларот јакне, еврото се намалува!

Објавено

на

Акциите на Волстрит денес стагнираат, додека европските берзи паѓаат.

Во попладневните часови, британскиот индекс ФТСЕ 100 падна за 0,7 %, францускиот ЦАЦ 40 за 0,2 %, додека единствено германскиот ДАХ се зголеми за 0,3 отсто, објави агенцијата АП.

Во САД, пораснаа акциите на технолошките компании, а на енергетските компании и на банките опаѓаат.

Доларот се искачи на 110,99 јени од вчерашните 110,96 јени, додека еврото падна на 1,1591 долари од 1,1619 долари.

Во Азија, јапонскиот индекс Никеи се намали за 0,2 %, корејскиот Коспи се зголеми за 0,1 %, а хонгконшкиот Ханг Сенг за 0,9 %.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange