Анализи
КРАХ НА МАКЕДОНСКАТА БЕРЗА, МБИ10 ВО ОГРОМЕН ПАД – Акциите потонаа, чии акционери беа најмногу засегнати!?

КРАХ на Македонската берза во текот на вчерашниот ден, по нападот на Русија врз Украина. Сите светски берзи беа во „црвено”, a не остана имуна ниту нашата берза.
Вчерашниот ден, може да се прогласи за ЦРН ЧЕТВРТОК на Македонската берза. По започнувањето на тргувањето, речиси сите акции на котираните компании бележеа драстичен пад на вредноста, па поради тоа Македонската берза во 12:23:05 часот го прекина тргувањето на сите пазари на Берзата во траење од 30 минути, по што купувањето и продажбата продолжија во 12:54:00 часот.
„Прекинот на тргување е направен со оглед на тоа што индексот забележа пад од 8,39 проценти, имајќи предвид дека статичките ценовни лимити изнесуваат +-10%. Официјализација на денот на тргување ќе биде во 14:30 часот”, соопштија од берзата.
Според Правилникот за тргување до прекин на тргувањето може да дојде доколку индексот во кои влегуваат најликвидните компании (МБИ10) отстапува за повеќе или помалку од 10 проценти од последната просечна цена на тргување на редовното тргување. Доколку МБИ10 индексот отстапува под или над 7% до 11:45 часот, тргувањето се прекинува во траење од еден час. Ако е по овој термин се носи одлука за прекин од половина час, што беше случај во текот на вчерашниот ден.
Берзанскиот индекс МБИ10 на Македонска берза на крајот на тргувањето забележа висок пад од 8,65%, каков што не беше забележан уште од почетокот на пандемијата на коронавирусот. Неговата вредност се намали до 5.627,16 поени, што е најниско ниво во последните шест месеци или поточно од 21-ви септември 2021 година.
Висок пад на вредноста забележаа сите највлијателни македонски компании чиишто акции се најтргувани на Македонската берза и кои го сочинуваат МБИ10 индексот.
Најголем пад на вредноста на акциите забележа Макошпед АД Скопје, чијашто вредност се намали за 11,48%. Вредноста на акцијата на Макпетрол АД Скопје се намали за 10 проценти, на Комерцијална банка АД Скопје за 9,99%, на Гранит АД Скопје за 9,97%, а висок пад на вредноста забележаа и Стопанска банка АД – Скопје, Алкалоид АД Скопје, Гранит АД Скопје, Стопанска банка а.д. Битола, Телеком и Макстил.
Убедливо најтргувани беа акциите на Комерцијална банка АД Скопје со вкупен промет од 38,3 милиони денари.
Финансиските експерти сметаат дека ова е очекувано со оглед дека светот се соочува со воени активности и безбедноста е доведена во прашање, но сметаат дека ситуацијата брзо ќе се стабилзира и акциите повторно ќе се вратат во зелената зона.
Паметните инвеститори вложуваат кога цените на акциите паѓаат драстично, додека они кои паничат се изложени на најголеми загуби. Токму поради тоа, панично продавање не е препорачливо.
Анализи
АНАЛИЗА: Македонските банки со рекордни профити, но далеку зад банките во регионот

Рекордниот раст на профитите на банките во текот на оваа година предизвика многу коментари и бурни реакции. Со нетрпение се очекуваат годишните финансиски извештаи на банките за да се види до каде ќе стигнат добивките на банките за 2023 година, односно на кое ниво ќе бидат поставени рекордите.⇑ (more…)
Анализи
ММФ: Народната банка соодветно ја затегна монетарната политика и придонесе за значително забавување на инфлацијата

„Народната банка презеде соодветни мерки за затегнување на монетарната политика коишто осигурија преполовување на инфлацијата во однос на ланскиот максимум“, се наведува во завршните согледувања на Мисијата на Меѓународниот монетарен фонд (ММФ), којашто од крајот на октомври, досега, престојуваше во нашата земја како дел од редовните консултации коишто произлегуваат од членството на земјава во ММФ, како и во рамките на дискусиите околу Првиот преглед на кредитната линија за претпазливост и ликвидност (ПЛЛ). „Ваквата поставеност придонесе и за одржување на стабилноста на девизниот пазар, којашто беше надополнета и со преземените макропрудентни мерки, преку кои се зајакнува отпорноста на банкарскиот сектор, којшто и натаму е стабилен и ликвиден“, се наведува од страна на Мисијата. (more…)
Анализи
Дали заврши времето на евтини потрошувачки кредити? Каматите се движат кон нивото од 2015 година!

Полека, но сигурно се губи атрактивноста на потрошувачките кредити на банките како „куповна моќ“ на граѓаните за задоволување на некакви желби и потреби од секојдневието. Дефинитивно веќе не е време на примамливи каматни стапки, кои ги правеа потрошувачките кредити „евтино“ решение за обезбедување финансиски средства за некое патување, опремување на домот, школување… Дали времето на „евтините“ потрошувачки кредити дефинитивно заврши или пак ова е само привремен тренд наметнат од инфлаторните притисоци на пазарите? (more…)
- Домашни банкипред 2 months
Халкбанк со тројца нови членови на Управниот одбор – Беркан Имери, Александар Иљов и Мухамед Хаџипази
- Банкипред 2 months
Оглас за вработување во Комерцијална банка АД Скопје
- Осигурувањепред 2 months
АСО со обуки ќе ја гради и зајакнува финансиската едукација на средношколци – математичари
- Домашни банкипред 1 month
Компании во земјава реализираат 20 „зелени“ проекти од кредитната линија на ЕБОР преку Стопанска банка
- Домашни банкипред 4 weeks
Данијела Јовческа, Никола Горгиевски и Марија Танаскоска се најдобрите банкарски службеници од Шпаркасе Банка во 2023 година
- Банкипред 2 months
Шпаркасе Банка АД Скопје вработува Член на Управен Одбор
- Business Manпред 2 months
Проф. Д-р Драгољуб Арсовски се стекна со 3.003 обични акции издадени од ТТК Банка АД Скопје
- Домашни банкипред 2 months
Шпаркасе Банка го активираше порталот за тестирање на платформата за отворено банкарство