Банкарот и милијардер Дејвид Рокфелер почина на 101 година, а со тоа почнаа и шпекулациите што ќе се случи со неговото богатство, имајќи предвид дека беше припадник на последната генерација од светски познатото семејство.

Според податоците на списанието Forbes, вредноста на неговиот имот изнесува околу три милијарди долари. На неговиот 100ти роденден тој подари 404 хектари земјиште на националниот парк во Мејн.

Донираше 150 милиони долари на Музејот на современа уметност на Менхетн.

На Универзитетот Харвард во 2008 година донираше 100 милиони долари.

Според американските медиуми, Рокфелер во својот тестамент напишал дека ќе остави 100 милиони долари токму на Музејот на современа уметност, 100 милиони на Универзитетот Харвард каде што дипломирал и 100 милиони на Универзитетот Рокфелер што го основал дедо му.

Се претпоставува дека остатокот од парите ќе биде распределен меѓу неколку организации, како и во семејни фондови за неговите шест деца.

Оние кои го познавале лично велат дека бил великодушен човек и дека често давал високи донации за добротворни цели.

Дејвид беше шесто дете на Џон Д. Рокфелер Џуниор и внук на коосновачот на компанијата Standard Oil, славниот Џон Д. Рокфелер.

Џон беше првиот светски милијардер во 1916 година. Кога почина во 1937 година, неговото богатство изнесуваше 1,5% од вкупното американско стопанство.