Connect with us

Домашни банки

Која македонска банка ја зголеми добивката за 380% во 2020 година?

Објавено

на

Според податоците до кои дојде Банкарство.мк, иако повеќе од една година владее пандемија на коронавирусот, банкарскиот сектор во нашата земја е исклучително успешен. Водечките три банки (Стопанска банка АД – Скопје, Комерцијална банка и НЛБ Банка) во изминатата кризна 2020 година имаат добивка од над 91 милиони евра, што во време на пандемија на коронавирусот претставува исклучителен финансиски резултат.

Анализирајќи ги податоците на целиот банкарски сектор ќе видиме дека и останатите банки се многу успешни и сите имаат позитивни финансиски извештаи.

Но, анализирајќи ги податоците подетално можевме да забележиме дека поголемите, условно кажано водечките банки во државава бележат намалување на добивките во однос на претходната 2019 година, додека пак условно кажано помалите банки бележат раст на добивките.

Намалување на добивката во 2020 година, споредено со нето добивката остварена во истиот период на минатата година бележат Стопанска банка АД – Скопје, НЛБ Банка, Охридска банка и ТТК Банка.

Сепак, има и банки за кои 2020 година беше значително поуспешно во споредба со 2019 година. Кога сме кај растот на добивката, тука значително се издвојува една банка, а тоа е Стопанска банка а.д. Битола, која бележи фантастичен резултат во изминатата 2020 година.

Во 2020 година, Стопанска банка а.д. Битола беше фокусирана на остварување на клучните стратешки, деловни и финансиски цели во услови на вонредна состојба во државата и во услови на глобална економска неизвесност наметната од пандемијата од вирусот COVID-19. Банката дејствуваше пред сè во насока на наплата на дел од нефункционалните побарувања, додека истовремено продолжи со кредитна поддршка на правните субјекти и домаќинствата, а притоа максимално се залагаше за безбедност на клиентите при користењето на услугите на Банката, како и за безбедност на вработените на работните места.

Успешното справување со наметнатите предизвици, како и брзата реакција и респонзивноста на кратките рокови за приспособување на активностите во работењето за да се остане на стратешката патека на долг рок, придонесоа кон остварувањето позитивен финансиски резултат за периодот 1.1.2020 – 31.12.2020 година, односно нето-добивка во износ од 81,45 милиони денари, но што е уште позначајно банката оствари пораст на добивката за неверојатни 379,99%, споредено со нето добивката остварена во истиот период на минатата година.

Ова ја става Стопанска банка а.д. Битола во редот на ТОП 5 македонски компании со најголем пораст на добивката во 2020 година во споредба со истиот анализиран период од претходната година.

Домашни банки

НЛБ Банка со извонредни бројки, остварувајќи добивка од неверојатни 18,4 милиони евра за шест месеци од 2021 година

Објавено

на

Во периодот од 01.01.2021 до 30.06.2021 година, НЛБ Банка АД Скопје работеше согласно усвоената Деловна политика на Банката за 2021-та година, прилагодувајќи го работењето на изменетите пазарни услови поради пролонгираната пандемија од КОВИД-19, која донесе бројни ограничувања во домашната и меѓународната економија, иако во вториот квартал од годината беа направени делумни олабавувања на рестриктивните мерките. Во такви услови, целта на Банката, како една од водечките финансиски институции, е да ја зачува високата ликвидност и солвентност, да го задржи континуитетот и квалитетот на услугите кои ги нуди и да обезбеди финансиска поддршка на клиентите. (more…)

Продолжи со читање

Домашни банки

Централна кооперативна банка АД Скопје оствари позитивен финансиски резултат во првото полугодие од 2021 година

Објавено

на

Во вториот квартал од 2021 година, македонската економија сè уште се одвива во услови на пандемија. Најавите за силен трет бран на пандемијата во државата се материјализираа на почетокот од вториот квартал од 2021 година и доведоа до значително отежнати околности за нормално функционирање на населението и на деловните субјекти. Во ситуација на зголемени ограничувања и рестрикции во движењето и во извршувањето на економската дејност, а при бавен и неизвесен процес на вакцинација на населението, се намалија очекувањата за брз излез од кризата и воспоставување нормални текови во функционирањето на економијата. Иако одобрените вакцини ја подигнуваат надежта за пресврт на пандемијата во текот на 2021 година, повторните бранови и новите видови на вирусот предизвикуваат загриженост за резултатот. (more…)

Продолжи со читање

Домашни банки

ДАЛЕКУ ПРЕД КОНКУРЕНТИТЕ – Стопанска банка АД – Скопје оствари добивка од 17,8 милиони евра во првите 6 месеци од 2021 година

Објавено

на

Во текот на првата половина од 2021 година Стопанска банка АД – Скопје продолжи со успешно работење. Како резултат на тоа, на крајот на јуни 2021 година добивката пред оданочување изнесува 1.215.788 илјади денари, што е зголемување за 15 проценти во споредба со истиот период од претходната година. За истиот период, вкупната актива на Банката останува речиси непроменета во износ од 105.655.161 илјади денари. (more…)

Продолжи со читање

Популарно