Connect with us

Форекс

Која компанија ја зголеми вредноста на акциите за над 30 проценти?

Објавено

на

Новиот бран на вирусот Ковид-19 одново ги дестабилизира акциите на котираните друштва на Македонска берза. Кога се чинеше дека пандемијата полека стивнува и се гледа крајот, коронавирусот повторно зема замав, од ден на ден се зголемува бројот на новозаболени, а со тоа дополнително се зголемува и неизвесноста.

Во време кога сите очекуваа да се врати животот во нормала, граничните премини да се отворат, економијата да заживее, да се одреди датум за одржување на избори со цел да се оформи легитимна Влада, вирусот Ковид-19 повторно почна да се шири со забрзано темпо.

Овие нови случувања повторно ја дестабилизираат Македонската берза, на која изминатиов период и онака се тргува со намален интензитет, а се намалува и довербата кај инвеститорите.

Последниот ден за тргување на Македонска берза, го одбележа растот на вредноста на акциите на компанијата УГОТУР АД Скопје, чиишто акции ја зголемија вредноста за огромни 31,58 проценти.

Минимален пораст на вредноста забележаа и акциите на ОКТА АД Скопје од 1,30%, како и на Гранит АД Скопје, кои ја зголемија вредноста за 0,41%.

Најголем пад на вредноста забележаа акциите на ТТК Банка АД Скопје од 2,80%, пред акциите на Стопанска банка АД Скопје коишто ја намалија својата вредност за 2,18 проценти.

Пад на вредноста на акциите забележаа и Алкалоид АД Скопје и Македонски Телеком АД – Скопје чиишто акции ја намалија својата вредност за 1,53%, односно за 1,49 проценти.

Минимален незначителен пад на вредноста забележаа акциите на Комерцијална банка АД Скопје и Макпетрол АД Скопје.

Според официјалниот среден курс на Народната банка на Македонија, денеска денарот спрема еврото има вредност од 61.6957 денари.

Курсот на денарот спрема доларот е на ниво од 55.2136 денари, британската фунта изнесува 69.2564 денари, додека пак швајцарскиот франк е 57.4394 денари.

Форекс

Новите измени на Правилата за котација на Македонска берза, тема на три работилници со котираните компании

Објавено

на

На 22 и 23 септември, преку online платформата ZOOM, Берзата организираше три работилници на кои беа поканети сите 100 котирани компании во врска со имплементацијата на новите измени на Правилата за котација. Целта на работилниците беше детална презентација и дополнителни појаснувања поврзани со новите Правила за котација што стапија на сила на 21 септември. (more…)

Продолжи со читање

Анализи

Инвеститорскиот ден ги однесе акциите на Македонска берза во зелена зона

Објавено

на

Кризата предизвикана од вирусот Ковид-19 полека но сигурно се наминува, а за Македонската берза може да се каже дека таа е веќе минато. Акциите кои котираат на берзата ја стабилизираа својата вредност, по високиот пад што го бележеа додека коронавирусот енормно ги рушеше сите светски берзи, вклучително и нашата. (more…)

Продолжи со читање

Форекс

Што донесе „Инвеститорскиот ден” на Македонска берза?

Објавено

на

На „Инвеститорскиот ден“ на Македонска берзата кој се одржа на 18.09.2021 година по повод 25 години од основачкото собрание на Берзата, се склучија вкупно 339 трансакции што е убедливо најголем број на трансакции од јуни до денес. Вториот најголем број на трансакции на дневно ниво во овој период е 169, а просечниот дневен број на трансакции изнесува 62 трансакции. (more…)

Продолжи со читање

Популарно