Connect with us
P2_P_MK_1600x400

НБРМ

Која е вицегувернерката Ана Митреска?

Објавено

на

Вицегувернерката на Народната банка на Република Македонија, Ана Митреска, е родена во Скопје. Дипломирала на  Економски факултет, Универзитет „Св. Кирил и Методиј“, Скопје на насока за финансии, сметководство и банкарство со просечна оценка 9,82. Магистрирала на истиот факултет на студиите по монетарна економија на тема: „Оптимална монетарна стратегија за мали и отворени економии“ со просечна оценка 9,89. 

Од јануари 2011 година досега, директор во Дирекцијата за монетарна политика и истражување во Народната банка на Република Македонија. Го координира, го организира и го унапредува работењето на Дирекцијата во доменот на редовните извештаи и останатите аналитички истражувања. Воведува нови концепти и дефинира насоки во текот на извршувањето на редовните активности. Дава мислење за среднорочните проекции на Народната банка и за нивната конзистентност со резултатите од краткорочното прогнозирање. Активно учествува во формулирањето на предлозите за промени во монетарната политика, како и во дискусиите поврзани со ова прашање преку членството во Комитетот за оперативна монетарна политика.  Учествува и ја координира работата на проектни активности во Дирекцијата, при што во своето портфолио има повеќе проектни активности од областа на монетарната и фискалната политика, меѓународната економија, банкарството и корпоративните финансии. Овие активности, во голем дел, се публикувани во форма на бројни научни и стручни трудови. Во рамки на својот работен ангажман има директно учество во дискусиите со меѓународните финансиски институции и рејтинг-агенциите. Како дел од Дирекцијата за монетарна политика и истражување, во повеќе наврати е ангажирана како гостин предавач на домашните високообразовни институции на додипломските и постдипломските студии.

Од мај 2004 до декември 2010 година, заменик-директор во Дирекцијата за монетарна политика и истражување во Народната банка на Република Македонија. До тогаш е раководител на Отсекот за истражување, подоцна во Отсекот за монетарни движења во Дирекцијата за монетарна политика и истражување.

НБРМ

Ангеловска-Бежоска на Конференција на ЕЦБ

Објавено

на

Гувернерката на Народната банка, Анита Ангеловска-Бежоска учествуваше на првата од двете панел-дискусии на 8. конференција на Европската централна банка (ЕЦБ) за земјите од Централна, Источна и Југоисточна Европа (ЦИЈЕ). Оваа панел-дискусија следеше веднаш по поздравното обраќање на претседателот на ЕЦБ, Марио Драги и излагањето на директорката на Меѓународниот монетарен фонд (ММФ), Кристин Лагард. Со неа претседаваше потпретседателот на ЕЦБ, Луис де Гвиндос и таа им беше посветена на предизвиците со кои се соочуваат земјите од ЦИЈЕ во контекст на глобалните трговски тензии. Се разгледуваа клучните прашања поврзани со промените на глобалниот трговски пејзаж коишто се резултат на зголемените протекционистички мерки и влијанијата коишто тие можат да ги имаат врз економиите на земјите од овој регион, кај кои во голема мера растот е предводен од извозот и често е поддржан од нивната вклученост во глобалните синџири на производство.

„Земјите од регионот на ЦИЈЕ се мали и отворени економии со висок степен на трговска и финансиска интеграција со остатокот од светот, а пред сѐ со Европската Унија, што упатува на можност за пренос на надворешни шокови, вклучително и трговски шокови во нив. Сепак, иако ризиците се присутни и може да се остварат, досега во регионот не се забележани позначајни ефекти од забавувањето на глобалната трговија.“ – нагласи меѓу другото Ангеловска-Бежоска во своето излагање.

Во рамките на дискусијата, акцентот беше ставен и на потребните промени во моделите на економски раст, заради намалување на подложноста на економиите на шокови во надворешното окружување, како што се поголемо фокусирање кон инвестициите за подобрување на продуктивноста и конкурентноста на економиите, тежнеење кон раст движен од иновациите и раст што ќе се заснова на поголема регионална трговска интеграција, којашто е особено значајна за малите економии.

Одделно внимание им беше посветено и на каналите преку кои може да се пренесат неповолните надворешни случувања во домашната економија, при што гувенерката на нашата централна банка посочи дека не е во прашање само трговскиот канал којшто може да доведе до помал извоз, туку дека неповолните ефекти може да се почувствуваат и преку каналот на намалена доверба на инвеститорите, што може да доведе и до помали капитални приливи во регионот, како и преку затегнување на условите на финансиските пазари. 

На оваа панел-дискусија на Конференцијата на ЕЦБ, покрај Ангеловска-Бежоска учествуваа и гувернерот на словенечката централна банка, Боштјан Васле, директорката на Одделот за економски прашања на Европската инвестициска банка, Дебора Револтела и главниот економист на Европската банка за обнова и развој, Сергеј Гуриев, а воведно излагање имаше генералниот директор на Директоратот за економски и финансиски работи при Европската комисија, Марко Бути. Тие заеднички констатираа дека треба да се продолжи со политики за задржување на макроекономската стабилност, но и со структурните политики коишто можат да го зголемат долгорочниот потенцијал за економски раст и да ја намалат ранливоста на економиите.

Втората панел-дискусија им беше посветена на одговорите на монетарната политика во ЦИЈЕ на финансиските шокови. Со неа претседаваше Беноа Кере од Извршниот одбор на ЕЦБ, а учествуваа гувернери на неколку централни банки и претставници на ММФ и Светската банка. 

Меѓу говорниците на ова издание на значајната традиционална конференција на ЕЦБ, Ангеловска-Бежоска беше единствениот висок претставник на централна банка на земја којашто сѐ уште не е членка на Европската Унија (ЕУ). Поканата упатена до неа за активно учество на една од двете панел-дискусии е уште една потврда дека во европската централнобанкарска заедница се препознаени и се вреднувани активностите коишто нашата централна банка ги презема чекорејќи по патот кон Европскиот систем на централни банки.

Гувернерката Ангеловска-Бежоска го искористи своето учество на Конференцијата, којашто се одржа вчера во Франкфурт, и за одделни средби со високи претставници на ЕЦБ и со колеги од централни банки на земји од ЕУ.

Продолжи со читање

НБРМ

Одржана редовната седница на Комитетот за оперативна монетарна политика на Народната банка

Објавено

на

На 11 јуни 2019 година се одржа редовна седница на Комитетот за оперативна монетарна политика на Народната банка, на којашто беа разгледани клучните показатели за домашната економија и движењата на меѓународните и домашните финансиски пазари, во контекст на поставеноста на монетарната политика. (more…)

Продолжи со читање

НБРМ

Системите за плаќање КИБС и МИПС достапни за плаќање и денес (08.06.2019 година)

Објавено

на

Системите за плаќање КИБС и МИПС се достапни и денес, 8ми јуни 2019 година бидејќи денешниот ден се одработува неработниот ден кога папата Франциск беше во посета на Република Северна Македонија. (more…)

Продолжи со читање
Unibanka_banner_300x250

Популарно

Copyright © 2018 bankarstvo.mk. All Rights Reserved. Developed by Digital Orange