Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области.

Немојте да имате погрешни верувања кои ќе ве држат во постојано ропство, во затворен круг, во нешто што матрицата ве научила.

Формалното образование кое сите го посетуваме не подготвува за животот кој што беше во минатото, за нормален живот на секој од нас. Неформалното образование не подготвува за животот кој што го посакуваме.

Луѓето се плашат да преземат нешто и да создадат поголема иднина за себе затоа што се премногу загрижени што мислат другите за нив. Наместо да научат како навистина да направат промена во нивните животи, тие работат напорно – како што прават сите.

Разликата е во тоа што ако само напорната работа навистина создаваше успех и богатство, секој вреден човек со работа од 08 до 16 или 09 до 17 ќе беше милионер досега.

Постои специфична причина зошто во просек само 1 човек од околу 4 милиони се милијардери.

Имено постојат 99,99% шанси дека нема да бидете следниот Џеф Безос и дека ќе го изградите Амазон. Меѓутоа исти биле шансите и за самиот Џеф Безос.

Клучот за успехот не е напорна работа.

Клучот за успехот е да можете да работите паметно.

Вложувањето во себе кое што ќе ви донесе напредок во иднина и следење на чекор со технологијата за нејзино правилно користење е клучот за успехот.

Сопствениот напредок на секој од нас ќе придонесе и за напредок на компаниите затоа што и тие ќе мора да бидат во чекор со вработените кои што секогаш вложуваат во себе и се повеќе ја разбираат и применуваат новата технологија.

Доколку компаниите не се надоградуваат и не вложуваат во постојано унапредување на своите процеси во значителна мера ќе заостанат со брзината на напредок на светот и технологијата, со флуктуација на кадар, а со тоа ќе се зголеми и ризикот за правното лице. Ризикот во најголем дел може да биде репутациски и финансиски. Овие два ризици меѓусебно се надополнуваат.

Технологијата постојано се движи напред, а со тоа и постојано се унапредуваат начините на криминал кои што се во тек со денешното време. Користењето на модерна технологија за спречување на новите начини на криминал во голема мера ќе придонесе за намалување на споменатите типови на ризици. Секако овие ризици со вклучувањето на Fintech технологијата се само мал дел од она што финансиските институции мораат да го бараат и имаат за да воведат целосна безбедност.

За пример можеме да го земеме користењето на криптовалутите. Иако нивното користење во голем дел од земјите сеуште не е регулирано, истото не значи дека е недозволено. Колку повеќе ја прифатиме реалноста и се насочиме кон прифаќање и контролирање на ризикот кој што го носат, толку подобро компаниите, а особено банките ќе се справат со ризиците кои што истите ги носат. Денешната технологија овозможува пристап до информации, алгоритми и индикатори кои што прикажуваат несекојдневни случувања. Секако во обзир мораме да ја земеме и вештачката интелегенција која што иако сеуште ни изгледа како далечна, сепак во текот на овие години се посилно чука на портите како технологија која што ќе игра голема улога во безбедноста на финансискиот систем.

За да го живеете сонот прво треба да почнете да сонувате. Со сонувањето започнувате да превземате чекори кои што придонесуваат за остварување на сонот. Првиот чекор започнува со учење и образование како да ги правите чекорите за да се искачите највисоко на скалилото.

Христијан Блажовски – специјалист за спречување перење пари