Купувачите би требало да плаќаат користејќи бесконтактни картички за да избегнат евентуална зараза со коронавирус преку загадените банкноти, велат здравствени експерти.

Портпарол на Светската здравствена организација изјави дека бесконтактните картички можат да го „намалат ризикот од пренесување на вирусот“.

Банкнотите менуваат стотици или дури илјадници раце за време на циркулацијата и можат да соберат секаков вид нечистотија и вируси, кои што се пренесувани наоколу.

Експертите велат дека коронавирусот би можел да се задржи на банкнотите на ист начин како што е во состојба да живее на тврди површини како кваки на вратата, рачки за тоалети и слично.

Тоа значи дека, користењето бесконтактни картички – што значи дека лицето треба само да ја допре единствено сопствената картичка, која никогаш не ја раководи никој друг – може да ги заштити луѓето од ширење на зарази.

Советот доаѓа откако работодавците, наводно, започнале да забрануваат работа во групи, кога луѓето делат исти бироа, здравствените службеници започнале да ги убедуваат луѓето да не се ракуваат, додека во Франција, министрите им соопштиле на луѓето да престанат да прават „ла бисе“, традиционалното поздравување со бакнеж во образот.

“Кога е можно, препорачливо е да се користат бесконтактни плаќања за да се намали ризикот од пренесување. Знаеме дека парите често ги менуваат корисниците и можат да соберат секакви бактерии и вируси. Ги советуваме луѓето да ги мијат рацете после ракување со банкноти и да избегнуваат допирање на лицето” – изјави портпаролот на СЗО за Телеграф.