Connect with us

Останато

Копаоник бизнис форум: Неопходна е дигитализација во секоја сфера

Објавено

на

Јубилејниот Копаоник бизнис форум кој годинава се одржа од 4 до 7 март успеа да мобилизира најголем број учесници досега. Повеќе од 1200 учесници во рамките на четиридневниот настан имаа прилика да земат учество во 22 панели, три пленарни седници, шест специјални настани и три засебни обраќања до присутните. Вкупно форумот траеше 40 часови. Сите донесени заклучоци на годинашниот форум ќе бидат преточени во документ Копаоник консензус, кој ќе биде достапен на користење, не само на стручната, туку и на пошироката јавност, како и на Владата на Република Србија, Народната банка во Србија и до креаторите на економската политика.

Претставник од Македонија на годинашниот форум беше еден од најуспешните македонски бизнисмени, мнозинскиот сопственик на М6 Инвесмент груп и претседател на Управниот одбор на винарската визба „Тиквеш“, Светозар Јаневски, кој беше говорник вториот ден од форумот во рамките на Панел 3 на тема „Западен Балкан – предизвици: Регионална економска област“.

„Јубилејниот Копаоник бизнис форум покажа дека добрите макро економски услови треба да се претворат во одржлив раст, но и без подигнување на нивото на инвенстиции нема да има значаен раст. Приоритет треба да биде реструктуирањето на јавните претпријатија, а исто значи и за оние кои се во државна сопственост. Централни теми на форумот беа дигитализацијата, образованието, креативната економија, развој на науката, геополитичката позиција на Србија и со кое темпо таа напредува кон ЕУ, понатаму, реализација на структурните реформи, реструктуирање на државните претпријатија, завршувањето на приватизацијата и како паралелно да се подигне нивото на инвестиции во Србија, без кои нема значаен раст“ истакна на затворањето на форумот, Александар Влаховиќ претседател на Сојузот на економисти и претседател на програмскиот одбор на КБЗ.

Понатаму Влаховиќ истакна дека форумот не е место каде се донесуваат одлуки, туку платформа за аргументирана расправа и размена на различните мислења во политичкиот, економскиот и бизнис светот.

На форумот беше заклучено дека форумот ги дијагностицира проблемите, кои понатаму треба да се хармонизираат и усмерат во вистински правец.

Сите учесници подеднакво, тие од бизнис елитата, преку претседателот на земјата, министрите до професорите ја поддржуваат ориентацијата на Владата кон дигитализацијата и секој од нив имаше конструктивни предлози.

Во рамките на форумот земаа учество политичкиот врв на Србија, поголемиот број министри во Владата на Република Србија, гувернерот на Народна банка на Србија, најзначајните стопанственици од банкарскиот и осигурителниот сектор, како и претставници од секторите туризам, енергетика, земјоделство, фармацефтската индустрија, јавните претпријатија, локалната самоуправа, меѓународните финансиски организации (EBRD, EIB, IFC, WB, MMF), претседателот на Фискалниот совет, како и многу домашни и странски економски теоретичари и претставници на медиумите.

Следниот Копаоник бизнис форум ќе се одржи од 3 до 6 март 2019 година.

Повеќе

Останато

Србија лидер во отварање на нови работни места

Објавено

на

Србија е втора година по ред светски лидер по бројот на отворени работни места преку проектите на странските директни инвестиции споредено со бројот на жители, објавува IBM Global Locations Trend 2018 во најновиот извештај, а пренесува Бизнис Инфо.

Производствените активности генерираат околу 80% од вкупно креираните нови работни места во Србија и тоа најмногу во текстилната, автомобилската, хемиската и електро-индустријата.

Генералниот тренд во целиот свет кога станува збор за странските директни инвестиции е зголемување на бројот на проекти за 10%, најмногу благодарение на сè  поголемото учество на помалите проекти.

Вкупната инвестициона активност забележана преку бројот на нови работни места опаднала за 5%, со тоа што во Европа и Северна Америка е забележана стагнација, во Африка има раст од 10 %, а во Азија, Латинска Америка и Средниот Исток бележи пад 10-20%.

Продолжи со читање

Останато

Драган Тевдовски, министер за финансии: со помош на алатките создадени на ,,Фин Хакатонот” граѓаните лесно ќе го контролираат трошењето на државните пари.

Објавено

на

Живееме во 21 век и на располагање ни се веб и мобилни апликации, мултимедијални игри, видеа и низа други алатки што го прават животот полесен. Зошто тогаш и буџетот да не го направиме подостапен за граѓаните, користејќи ги овие алатки – објаснува Тевдовски

Министерството за финансии и Фондот за иновации и технолошки развој првпат го организираа „Фин Хакатонот“, натпревар на кој многу млади креативци го покажаа својот талент. Победниците со полна пареа веќе работат на нова веб-апликација, видео и игра за граѓанскиот буџет на Македонија.

Институциите се тука за граѓаните, а не обратно

Министерот за финансии Драган Тевдовски за Факултети.мк раскажува дека поминал многу време со овие млади луѓе и дека најмногу се одушевил од нивната посветеност, но и од тоа колку брзо ги совладале јавните финансии. Но, прво за идејата за натпреварот.

– Институциите се тука за граѓаните, а не обратно. Ако сите размислуваме во оваа насока, ќе станеме подобро општество. Во делот на финансиите најважна е транспарентноста. Знам дека многу зборувавме на оваа тема. Сепак, единствен начин граѓаните да имаат контрола врз трошењето на државните пари е да имаaт увид во тоа. Буџетот е од граѓаните за граѓаните. Затоа сакавме токму од нив да дојде идејата за „граѓански буџет“.

Живееме во 21 век и на располагање ни се веб и мобилни апликации, мултимедијални игри, видеа и низа други алатки што го прават животот полесен. Зошто тогаш и буџетот да не го направиме подостапен за граѓаните, користејќи ги овие алатки – објаснува Тевдовски.

Тевдовски со победничките тимови

 

Министерот вели дека е среќен што неговиот тим е составен од креативни луѓе кои сакаат да го променат начинот на кој функционираат институциите. Идејата за добивање на овие производи преку организирање Хакатон потекнала од неговиот советник Виктор Митевски.

– Тој напорно работеше на „Фин Хакатон“, од замисла до реализација, но и многу други колеги од Министерството за финансии помогнаа беспрекорно да се организира Хакатонот. Настанот го поддржа Фондот за иновации и технолошки развој со награден фонд од 1,5 милион денари. Тие во него препознаа потенцијал за креирање стартапи и производи кои ќе може да се продаваат на пазарот.

Резултатот беше одличен. На 10-тиот кат од Министерството за финансии, 48 часа, во текот на викендот, 6 тима млади луѓе работеа на развој на своите идеи.

На едноставен и приемчив начин ќе ги објасниме јавните финансии

Целта на овој натпревар е да им се даде можност на младите луѓе да развијат идеи и производи кои ќе им помогнат во нивната професионална афирмација, но и ќе ѝ послужат на целата македонска јавност. Го прашуваме Тевдовски дали Министерството развива нов начин на комуникација со младите?

– На „Фин Хакатонот“ имаше прекрасна енергија, добро дружење и одлични идеи, кои наскоро ќе станат финални производи. Овие производи ќе бидат наменети за сите граѓани во Македонија. Ова е голема шанса за младите професионалци што победија на „Фин Хакатонот“. Дополнително, тие ќе можат да го развијат својот производ и понатаму да го продаваат. Сакаме да слушнеме што имаат да кажат луѓето, без разлика на возраста. „Фин Хакатонот“ беше еден од каналите на кој ете најмногу се поврзавме со младите луѓе. Ги користиме и социјалните мрежи. И јас лично од неодамна ги истражувам Инстаграм (@dragantevdovski) и Твитер (@dtevdovski)… И во иднина ќе користиме нови и различни канали за да се поврземе со граѓаните – вели тој.

Младите го одушевиле и со знаењето за јавните финансии

Очекува есенва кога ќе бидат готови веб-апликацијата, видеото и играта, со нивна помош сите граѓани да добијат повеќе информации за буџетот.

– Она што го баравме кај овие производи е на едноставен и приемчив начин да се објаснат јавните финансии. Кај победничките решенија тоа е постигнато.

Победија два тима. Тевдовски имаше можност да се дружи со младите иноватори додека работеа на своите решенија. Вели дека најмногу го восхитиле со нивната посветеност да го завршат проектот.

– Најголем дел од нив буквално работеа 48 часа, без сон, без престан. Ме воодушеви колку бргу навлегоа во јавните финансии. Најголем дел од нив не се по струка економисти и немаа предзнаења за буџетот. Темата на предизвикот се објави на буткампот – непосредно пред почетокот на Хакатонот. Така што овие млади програмери, инженери, многу добро се снајдоа и одговорија на предизвикот. Сите тие би биле и одлични економисти – раскажува министерот.

Министерството за финансии, по ова искуство со овие млади и талентирани луѓе, има обврска да организира нов „Фин Хакатон“. Но, Тевдовски вели дека и неговите колеги од Владата изразиле интерес за ваков тип натпревари, па можеби и некое друго министерство вака ќе ги отвори вратите за младите.

Извор: fakulteti.mk

Продолжи со читање

Останато

Златото ќе не спаси ако има нова криза

Објавено

на

САД ја почнаа најголемата трговска војна во историјата и тоа со Кина, при што се очекува дека ќе има нова светска криза. Оваа криза која се заострува ќе има последици за секој граѓанин од секој дел на светот. Ова се случува во време кога неколку години по ред светската економија има раст.

Америка може светот да го втурне во рецесија, а инвеститорите веќе купуваат злато. Може да дојде до потопување на берзите и затоа парите се под ризик.

Се советува дека секој форма на штедење од пари на хартија е добро решение. Се наведува дека еврото и доларот се печатат секој ден без покритие и затоа нивната вредност паѓа.

Златото со години има позитивни резултати, и неговата цена скока. Ако пред 2000 години чинело 400 долари, денес унца е 1300. Цената на златото расте побрзо од инфлацијата и на тој начин се чува куповната моќ.

Злато се купува масовно во Германија, Австрија, Англија и Швајцарија.

Годишното производство на злато е ограничено на 2500 тони. Трошоците за експлоатација се високи, и шансите за поголемо производство се мали.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange