Connect with us
P2_P_MK_1600x400

Домашни банки

Компаниите може да придонесат за подобра животна средина – ПроКредит Банка со иницијатива за подигнување на свесноста за електромобилност

Објавено

на

Со цел подигнување на свесноста за заштита на животната средина во која живееме и придонес кон намалувањето на загадувањето во Скопје, ПроКредит Банка иницираше настан за зголемување на електромобилноста – “Ден без возила на фосилни горива”.

На едно место, на паркингот од СЦ Борис Трајковски, беа презентирани искуствата и практиките на голем број македонски компании кои веќе располагаат со електрични возила како ПроКредит Банка, ЕВН, МЕПСО, Македонски Телеком и понудите на електрични/ хибридни возила директно од овластените застапници во Македонија како Порше и Тојота. Истовремено граѓаните имаа можност и за тест возење на електричните автомобили на ПроКредит Банка.

Позитивно е да се види дека интересот кај граѓаните за електрични и хибридни возила расте и дека постои простор за развој на една нова навика – возење автомобили кои не испуштаат штетни гасови и ПМ честички во воздухот. Споредено со конвенционално возило на дизел кое го загадува воздухот со 12кг CO 2 на 100 км, електричните возила не го загадуваат воздухот со штетни гасови.

Како дел од овој настанот беше организирана и панел дискусија на тема “Како до зголемување на електромобилноста” каде свое излагање имаа повеќе засегнати страни како Емилија Спировска, член на Управниот Одбор на ПроКредит Банка, Јани Макрадули, заменик Минитер за животна средина, Стефан Богоев, градоначалник на општина Карпош; Александар Цветковски од Порше Македонија, Оливер Велковски од Електромобилност Македонија, Стојан Малчески од МЕПСО и Илија Ќироски од ЕВН Македонија.

“Како општествено одговорна компанија, групациски насочена кон намалување на негативното влијание врз животната средина ПроКредит Банка континуирано се залага за еко иницијативи кои придонесуваат кон почисто окружување. 20% од аерозагадувањето во Скопје е предизвикано од возила на фосилни горива и веруваме дека со зголема употреба на електрични и хибридни возила може да постигнеме подобар квалитет на воздухот во нашиот град. Со поголем број на иницијативи на граѓаните и компаниите, како и силна поддршка од страна на државните институции ќе може да се постигнат значителни резултати на ова поле. Се надеваме дека голем дел од компаниите ќе го следат и нашиот пример. ПроКредит Банка располага со 10 електрични и 2 хибридни возила, што претставува 70% од нашиот вкупен возен парк и имаме одлично искуство со користење на истите. Возилата ги полниме со електрична енергија произведена од фотонапонска централа инсталирана во нашата Централна Управа што ни овозможува нашиот електричен и хибриден возен парк да биде CO 2 неутрален со 0% загадување на воздухот.” – изјави Емилија Спировска, член на Управен Одбор на ПроКредит Банка.

Покрај иницијативата на ПроКредит Банка за покренување на свесноста за електромобилноста, свое залагање на панел дискусијата имаа и Јани Макрадули, заменик Министер за животна средина кој изјави дека државата ја поддржува иницијативата и верува дека 2019 е клучна за намалување на загадувањето на воздухот во Скопје. Државата има утрдено стратешки приоритети за борба против аеро-загадувањето и очекува дека со субвенциите за купување електрични/ хибридни автомобили, иницијативата за замената на начинот на греење во голем број компании и останати мерки ќе се влијае за подобра животна средина. Дополнително поддршка даде и градоначалникот на општина Карпош кој со цел подобрување на воздухот во општината најави голем број мерки како дел од 5 годишниот еколошки, акциски план и тоа: поттикнување на свеста за возење на електрични велосипеди, скутери и тротинети и во соработка со останати државни институции обезбедување инфраструктура за истото.

Иницијативата за зголемување на електромобилноста не само што придонесува намалување на загадувањето на воздухот туку директно влијае и на намалувње на бучавата во околината, намалување на ризикот од разновидни болести како астма, хроничен бронхит и инфекции на респираторниот тракт и намалување на месечните трошоци за превоз.

Домашни банки

НЛБ Банка спонзор на настанот “5.FMCG SUMMIT Скопје 2019”

Објавено

на

НЛБ Банка е спонзор на настанот “5.FMCG SUMMIT Скопје 2019”, кој се одржува денес (16.05) и на едно место ги обедини трговците, дистрибутерите и производителите за да ги слушнат новитетите од најзначајните домашни, регионални и светски авторитети во FMCG секторот. (more…)

Продолжи со читање

Домашни банки

Добивката на Стопанска банка АД-Скопје намалена за неверојатни 42,9%

Објавено

на

Во периодот од 01.01.2019 до 31.03.2019 година Стопанска банка АД – Скопје (во натамошниот текст: СБ) оствари нето добивка пред оданочување во износ од 599.895 илјади денари, што претставува намалување за 42,9% споредено со нето добивката остварена во анализираниот период минатата година. Намалениот резултат во тековниот период се должи на ефектот од решениот статус на должникот Фени Кавадарци во првиот квартал од 2018, кога СБ склучи договор за продажба на своите побарувања со што во билансите на Банката беше евидентирано ослободување на исправката на вредност и истото имаше соодветен ефект врз остварениот финансиски резултат, објави банката преку соопштение на Македонска берза. (more…)

Продолжи со читање

Домашни банки

Работилница со ПроКредит Банка: Важноста на комуникациските вештини во процесот на селекција при вработување

Објавено

на

Важноста на комуникациските вештини при вработување е особено голема во модерното и динамично општество поради се поголемата конкуренција на пазарот на трудот. (more…)

Продолжи со читање
Unibanka_banner_300x250

Популарно

Copyright © 2018 bankarstvo.mk. All Rights Reserved. Developed by Digital Orange