Connect with us

Домашни банки

Комерцијална банка со награда за „Акција со најголем промет во 2021 година“ на Македонската берза

Објавено

на

Македонската берза на хартии од вредност ѝ ја додели на Комерцијална банка наградата „Акција со најголем промет во 2021 година – компании над 50 милиони евра пазарна капитализација“. Со годишните награди што ги воведува Берзата за првпат им се дава јавно признание на компаниите кои во тековната година биле најактивни и најпрепознатливи на домашниот пазар на капитал.

Акцијата на Комерцијална банка традиционално е една од најтргуваните на Македонската берза, што се должи пред сѐ на довербата која ја уживаат инвеститорите во акцијата и во работењето на Комерцијална банка, но и на транспарентното, одговорно и успешно работење на Банката.

„Оваа награда потврдува дека Банката не е само избор на депонентите и штедачите, кои веруваат во нас, туку и на инвеститорите. Во изминатата година акцијата на Комерцијална банка учествува со 37% во прометот со акции без блок-трансакции, а дури 44% во прометот со блок-трансакции. Со акциите на Комерцијална банка е реализирано тргување во вредност од околу 30 милиони евра без блок-трансакции и речиси 60 милиони евра со блок-трансакции. Сѐ ова покажува колку навистина се тргува со акцијата на Комерцијална банка“, изјави д-р Маја Стевкова Штериева, Главен финансов директор и член на Управниот одбор на Комерцијална банка во своето обраќање по повод доделување на наградата.

Оваа година, Комерцијална банка се истакна со успешното справување со сите предизвици и со одлични финансиски резултати, со што акцијата на Банката стана уште поатрактивна за инвеститорите на домашниот пазар на капитал. Комерцијална банка е најголема банка во Македонија по износ на вкупна актива, најголем кредитор на корпоративниот сектор, банка со стабилна дивидендна политика. Секоја година континуирано се зголемува вкупниот број акционери на Банката, кој на крајот од ноември оваа година изнесува околу 5.400 акционери, што е зголемување за околу 200 акционери во однос на крајот на 2020.

„На сите кои веруваат во нас можеме да им порачаме дека остануваме посветени на својата деловна стратегија за натамошно успешно работење и веруваме дека тоа ќе придонесе за натамошно одржување на довербата што ја имаме кај клиентите и акционерите“, порача директорката Стевкова-Штериева.

Домашни банки

Караванот на Халкбанк „Приказни од моето маало“ го посети Штип

Објавено

на

Караванот „Приказни од моето маало“ вчера ги посети учениците во ОУ „Ванчо Прке“ во Штип. Низ едукативно-креативни работилници ги слушнавме приказните од градот под Исарот, се дружевме со креативните деца и ја разгоривме нивната креативност и фантазија. (more…)

Продолжи со читање

Домашни банки

Триглав Осигурување Живот, во соработка со НЛБ Банка со нов Унит Линк производ

Објавено

на

Триглав Осигурување Живот, во соработка со НЛБ Банка, го збогати своето портфолио на продукти и понуди нов, атрактивен Унит Линк производ, кој покрај балансирана распределба и инвестирање на средства во удели на инвестициски фондови, нуди и животно осигурување со штедење. (more…)

Продолжи со читање

Домашни банки

Почна пријавувањето за настанот на тркала „Вози право, вози здраво“

Објавено

на

Најмасовниот и најзабавниот настан „Вози право, вози здраво“ во организација на Стопанска банка АД-Скопје повторно се враќа на скопските улиците. На 5 јуни (недела) градот по шести пат ќе биде преплавен со велосипеди, тротинети, ролери, скејтборди и бебешки колички кои ќе возат по улиците ослободени од автомобили, а луѓе од сите возрасти ќе се забавуваат и ќе дадат свој придонес за почиста животна средина. (more…)

Продолжи со читање


Популарно