Connect with us

Домашни банки

Комерцијална банка исплати дивиденда за 2020 година, кој се „офајди” најмногу!?

Објавено

на

Комерцијална банка АД Скопје денес (24.8.2021 година) започна со исплатата на дивиденда за 2020 година.

Одличниот финансиски резултат од претходната година придонесе Собранието на акционери на банката уште на почетокот на годината да донесе Одлука за употреба и распоредување на нераспределената добивка во износ од 1.911,9 милиони денари и ја утврдија дивидендата за обичните акции во висина од 60% од номиналната вредност на акцијата, односно по 600 денари бруто на една акција или 540 денари нето износ.

Акционерите кои поседуваат трансакциски сметки во Комерцијална банка веќе ја имаат добиено дивидендата, додека акционерите кои имаат сметки во други банки ќе ја добијат својата дивиденда до крајот на денот.

Согласно Законот за данокот на личен доход, Комерцијална банка, како исплатувач на доход по основ на дивиденда, пресметката и плаќањето на данокот на доход и исплатата на дивидендата на физички лица ги врши со поднесување електронска пресметка за бруто-доходот и за данокот по одбивка (е-ППД) до Управата за јавни приходи преку системот е-Персонален данок.

Согласно член 85, став 11, од Законот за данокот на личен доход,  пресметката на данокот на доход од дивиденда остваренa со учество во добивката во 2020 година, a исплатена во 2021 година, ќе биде доставена до секој акционер евидентиран во книгата на акции по извршената исплата на дивидендата.

Во меѓувреме, Комерцијална банка продолжи да бележи одлични резултати и во периодот од 01.01-30.06.2021 година од своето работење Банката оствари позитивен финансиски резултат во износ од 828,3 милиони денари наспроти остварениот позитивен финансиски резултат во истиот период минатата година во износ од 743,3 милиони денари што претставува зголемување за 11,4%.

Одличното работење на Комерцијална банка е добредојдено за акционерите на Банката кои денес убаво ќе се „офајдат” од дивидендата. Банката има вкупно 5.207 акционери запишани во книгата за иматели на акции во ЦДХВ. Вкупниот број на издадени акции е 2.279.067.

Но, се поставува прашањето кој ќе го добие најголемиот колач од дивидендата која е во процес на исплата?

Најголем акционер во Комерцијлна банка е Адора Инженеринг. Градежната компанија во сопственост на Ванчо Чифлиганец заедно со поврзаните лица поседува вкупно 341.860 обични акции, односно има учество од 14,9999% во основната главнина на Комерцијална банка АД Скопје. Тоа значи дека доколку за една акција Банката ќе исплаќа 540 денари нето, Адора Инженеринг и Ванчо Чифлиганец ќе заработат неверојатни 3 милиони евра.

Од дивиденда добро ќе заработи и првиот човек на Комерцијална банка АД Скопје, г-н Хари Костов, кои согласно информациите поседува 20.000 акции од банката или 0,877% од вкупниот број акции.

Тоа значи дека акциите коишто ги поседува на г-дин Хари Костов ќе му донесат приход по основ на дивиденда од 10,8 милиони денари, ако се знае дека за една акција Комерцијална банка ќе исплати нето износ од 540 денари.

Преземањето на оваа содржина не е дозволена без согласност од Редакцијата на Банкарство.мк.

Домашни банки

(ВИДЕО) Сопственици на банка во Македонија се најдоа во „Пандора документите“

Објавено

на

Двајца сопственици на УНИБанка имале офшор компании на Британските девствени острови, открива истражувачкиот веб сајт „bird.bg” од Бугарија. Станува збор за Ивајло Мутафчиев и Цеко Тодоров Минев кои имаат по 36,45% од сопственоста на УНИ банка која работи во Македонија. (more…)

Продолжи со читање

Домашни банки

Комерцијална банка по 16-ти пат спонзор на „Златно славејче“

Објавено

на

„Златните славејчиња“ годинава повторно ќе застанат на сцена и ќе ги отпеат своите хитови во чест на 50-от роденден на Фестивалот. (more…)

Продолжи со читање

Домашни банки

Прогласени победниците од Social Impact Award 2021

Објавено

на

Млади херои со големи идеи! Прекрасни тимови, ентузијазам, идеи кои сигурно ќе го променат општеството ја одбележаа седмата година од „Наградата за социјално претприемништво“ – Social Impact Award 2021. (more…)

Продолжи со читање



Популарно