Connect with us

Анализи

Колку реално треба да плаќаме за горивата?

Објавено

на

Малопродажната цена на бензините од овој понеделник на полноќ се зголеми за 1 денар, додека пак на дизелот за половина денар во согласност со последната одлука на Регулаторната комисија за енергетика.

Според новата одлука донесена на 09.07.2018, новата цена на Еуросупер БС-95 изнесува 72 денари, на Еуросупер БС-98 изнесува 74 денари. Еуродизелот се продава по 64 денари за литар, а Екстра лесното масло за домаќинство по 52,50 денари за литар.

Пораст бележи и цената на мазутот и таа изнесува 34,711 денари за килограм.

Просечната цена на суровата нафта на светскиот пазар во изминатите 14 дена изнесуваше 75,88 долари за барел и е повисока за 2,78 %, а курсот на денарот во однос на доларот изнесуваше 52,60 денари и е за 0,21% понизок.

Литар безоловен бензин и дизел за само 39 денари – толку би чинело горивото на бензинските пумпи ако од малопродажната цена се одбие делот кој оди за државата во форма на разни давачки, даноци и акцизи и остане само производствената цена и трговската маржа.

Нафтените деривати се користени од голем дел од населението и стопанството на директен или индиректен начин па токму затоа и претставуваат одличен извор на полнење на државната каса.

Во Република Македонија цената на нафтените деривати не се одредува на пазарот туку неа ја одредува Регулаторната комисија за енергетика на секои две недели. Како два главни фактори кои влијаат на цената се движењето на девизниот курс на доларот во однос на македонскиот денар и цената на суровата нафта на светските берзи.

Основа за формирање на цената што ја плаќаме кога точиме гориво на бензинска пумпа, е рафинериската цена, која се одредува според методологијата пропишана со Анекс Д од Договорот за купопродажба на акции и за концесија на Рафинерија АД „Окта“ Скопје, потпишан меѓу Владата на Република Македонија и акционерското друштво „ЕЛ.П.Е.Т. – Балканики” како стратешки инвеститор, кое е во сопственост на грчки „Хеленик петролеум“.

 

 

 

 

 

 

 

 

 

 

Анализи

МАКЕДОНИЈА е земја на фриленсери!

Објавено

на

Што се фриленсери? Наједноставна дефиниција на овој термин претставува луѓе кои работат независно, односно не се во постојан и редовен работен однос, немаат работно место, самостојно ги наоѓаат своите клиенти и можат да работат од било каде и било кога.  (more…)

Продолжи со читање

Анализи

Во Македонија регистрирани 8 компании кои нудат “брзи кредити”

Објавено

на

Министерот за финансии, Драган Тевдовски денес во Собранието на Република Македонија ја доби поддршката од пратениците за ограничување на трошоците кои се однесуваат на таканаречените “брзи кредити”. (more…)

Продолжи со читање

Анализи

Што ја очекува еврозоната во иднина?

Објавено

на

Од март 2015 година, до сега Европската централна банка купи 2,6 илјади милијарди евра државни обврзници, што е околу 40% од БДП во еврозоната, во обид да им помогнат на европската економија да излезе од глобалната финансиска криза во 2008 година На почетокот, Европската централна банка ги поттикна земјите од еврозоната со 60 милијарди евра месечно за постепено намалување на износот до 15 милијарди евра. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange