Connect with us

Анализи

Кои се петте најпрофитабилни македонски компании во 2021 година!?

Објавено

на

Македонскиот приватен сектор полека, но сигурно се опорави од пандемијата на Covid-19 вирусот, а доказ за тоа е зголемената профитабилност на компаниите за претходната 2021 година. Македонските компании ја зголемиле добивката за 22,64 проценти во однос на истиот период од претходната година.

Според податоците на котираните друштва на Македонска берза во топ 5 компании со најголеми добивки заклучно со 31 декември 2021 година три се банки и истите се наоѓаат на водечките три места по заработката.

Македонските компании кои котираат на Македонска берза за претходната 2021 година направиле профит од 273 милиони евра, што е за 50,5 милиони евра повеќе споредено со претходната 2020 година. Зголемувањето на профитабилноста на компаниите се должи на податокот дека во 2021 година дури 73 компании работеле со добивка, додека само 18 компании оствариле негативен финансиски резултат.

КомпанијаНето-добивка (2021 година) во 000 МКДНето-добивка (2020 година) во 000 МКДРазлика (споредено со 2020 година)Разлика (споредено со 2020 година) во %
Стопанска банка АД – Скопје2.465.9561.957.217508.73925,99
Комерцијална банка АД Скопје2.328.3201.939.134389.18620,07
НЛБ Банка АД Скопје2.219.1071.704.271514.83630,21
Македонски Телеком АД1.591.2931.603.171-11.878-0,74
Алкалоид АД Скопје1.304.9881.167.524137.46411,77

Од постигнатите резултати може да се забележи дека заживувањето на економијата и значителното олабавување на рестриктивните мерки во голема мерка влијаеа врз профитабилноста на компаниите.

Апсолутен лидер според остварениот финансиски резултат е Стопанска банка АД – Скопје. Оваа банка за изминатата 2021 година оствари нето добивка од 2.465.956 илјади денари или 40,1 милиони евра, што претставува зголемување за 25,99% споредено со нето добивката остварена во анализираниот период минатата година.

Ваквиот резултат претставува континуитет на повеќегодишното успешно работење на Стопанска банка АД – Скопје кое се заснова на нејзините здрави деловни фундаменти поткрепени со применетиот успешен бизнис-модел, силната капитална позиција, прудентното управување со ризиците и применетите принципи на добро корпоративно управување.

Финансискиот резултат е остварен во услови на органски раст на активата на Банката, како и преземени активности и мерки за раст на бизнис-активностите во согласност со нејзината деловна политика.

На второто место се наоѓа уште една банка која може да се пофали со фантастичен финансиски резултат и солидна добивка остварена од работење во 2021 година. Станува збор за Комерцијална банка АД Скопје која оствари позитивен финансиски резултат, односно забележа нето добивка од 2.328.320 илјади денари или 37,9 милиони евра, што претставува зголемување за високи 20,07% споредено со нето добивката остварена во анализираниот период минатата година. Зголемувањето на добивката е резултат на зголемување на приходите од редовното работење.

На третото место се наоѓа НЛБ Банка АД Скопје заокружувајќи го водечкото трио на најуспешни македонски компании, а воедно и водечки банки во Македонија. НЛБ Банка оствари позитивен финансиски резултат, односно забележа добивка од 2.219.107 илјади денари или 36,1 милиони евра, што претставува зголемување за енормни 30,21% споредено со нето добивката остварена во анализираниот период минатата година. НЛБ Банка процентуално бележи највисок пораст на добивката за претходната 2021 година од водечките 5 најпрофитабилни компании.

Во текот на 2021 година, НЛБ Банка оствари позитивни резултати преку реализација на низа активности поврзани со зголемување и подобрување на понудата за клиентите со продукти и платни сервиси. Во анализираниот период, Банката продолжи со имплементација на стратешките иницијативи во инвестиции во дигитализација и нови технологии, со цел пренасочување на клиентите кон дигиталните канали како поедноставни, поевтини и побезбедни начини на извршување на банкарските трансакции.

На четвртата позиција според остварената добивка се наоѓа водечкиот национален телекомуникациски оператор Македонски Телеком АД Скопје кој оствари позитивен финансиски резултат, односно забележа добивка од 1.591.293 илјади денари или 25,9 милиони евра. Компанијата бележи минимално намалување на добивката за 0,74% споредено со истиот период од минатата година. Намалувањето на добивката пред се се должи на милионските инвестиции во ширењето на 5G мрежата.

Најдобрите пет компании по остварени најдобри финансиски резултати ги заокружува Алкалоид АД Скопје со нето добивка во износ од 1.304.988 илјади денари, односно 21,2 милиони евра. Алкалоид АД Скопје бележи раст на добивката од 11,77%, а тоа пред се се должи на порастот од 5% на вкупните остварени продажби на производи и на услуги. Продажбите на странските пазари бележат зголемување од 6%, додека пак продажбите остварени на домашен пазар се зголемени за 4%.

Четири од петте водечки компании бележат зголемување на добивката во 2021 година во однос на претходната, а само Македонски Телеком АД Скопје бележи минимално намалување. Најголем раст на добивката гледано процентуално бележи НЛБ Банка АД Скопје, додека пак најмал раст на добивката бележи Алкалоид АД Скопје. Веќе подолг период, апсолутен лидер во целокупното рангирање е Стопанска банка АД – Скопје, но Комерцијална банка АД Скопје и НЛБ Банка опасно се приближуваат до самиот врв.

Со оглед дека од петте најпрофитабилни компании, три се банки, може да се истакне дека банкарскиот сектор во Македонија е убедливо најпрофитабилен!

Преземањето на оваа содржина не е дозволена без согласност од Редакцијата на Банкарство.мк

Анализи

АНАЛИЗА: Триглав Осигурување Живот со двојно повисок удел на пазарот – високи 17% во првиот квартал од 2022 година

Објавено

на

Иако последните години се покажаа како исклучително тешки поради негативните влијанија и отежнато работење предизвикани од пандемијата како и политичката и економска криза во Европа, сепак пазарот на животно осигурување во земјава е во значителен пораст. Според прелиминарните податоци добиени од Националното биро за осигурување, бруто полисираната премија за животно осигурување за првиот квартал од 2022 година бележи пораст за 19,20% споредбено со истиот период во 2021 година, во вкупен износ од 494 милиони денари, што покажува дека животното осигурување полека но сигурно го зазема местото на еден од примарните избори за осигурување на граѓаните во земјата. (more…)

Продолжи со читање

Анализи

Кругман: Очекувам инспиративна дискусија на СЕФФ

Објавено

на

Нобеловецот, професор и истакнат американски економист Пол Кругман, кој в понеделник ќе има обраќање на конференцијата „Одржување на растот во време на неизвесност и потоа“ на Скопје економски финансиски форум, очекува инспиративна дискусија на актуелни економски теми. На учесниците на форумот и на економската јавност во нашата земја Кругман им се обрати преку видеопорака. (more…)

Продолжи со читање

Анализи

„Finance Think”: Сивата економија во 2020 година намалена во однос на 2006 година

Објавено

на

Сивата економија во 2020 година е намалена во однос на 2006 година, а најголемите намалувања се случиле за време на финансиската криза во 2009 година и по воведувањето на минималната плата во 2012 година, покажува најновото истражување направено од Институтот за економски истражувања и политики „Finance Think”. (more…)

Продолжи со читање


Популарно