Македонската берза го објави месечниот статистички билтен за месец јули 2021 година.

Вкупниот промет е намален во однос на претходниот месец за 31,14 проценти, но и покрај тоа имаше одредени компании кои котираат на берзата да забележат пораст на вредноста на своите акции.

Слично како и претходните месеци, едни од најатрактивните акции се банкарските и интересот за нив е најголем. Во месец јули за акционерите најпривлечни беа акциите на Комерцијална банка АД Скопје и на НЛБ Банка АД Скопје.

Вредноста на акциите на Комерцијална банка АД Скопје порасна за 10,55 проценти. Просечната цена на акциите на оваа банка во месец јули изнесувала 9.727,08 денари, додека во јуни просечната цена изнесувала 8.798,75 денари.

Солиден пораст од 5,40 проценти забележаа и акциите на НЛБ Банка АД Скопје, односно достигнаа просечна цена од неверојатни 23.284,62 денари.

Зголемувањето на вредноста на акциите на овие две банки продолжи и во месец август, а тоа пред се се должи на најавената исплата на дивиденда за акционерите.

Тргувањето на Македонска берза со месеци наназад покажува дека банкарските акции се најатрактивни за инвеститорите.