Македонската берза го објави месечниот статистички билтен за месец декември 2021 година.

Вкупниот промет е намален во однос на претходниот месец за 31,61 проценти, но и покрај тоа имаше одредени компании кои котираат на берзата да забележат пораст на вредноста на своите акции.

Слично како и претходните месеци, едни од најатрактивните акции се банкарските и интересот за нив е најголем. Во месец декември за акционерите најпривлечни беа акциите на Комерцијална банка АД Скопје и на Стопанска Банка АД – Скопје.

Вредноста на акциите на Комерцијална банка АД Скопје порасна за 10,06 проценти. Просечната цена на акциите на оваа банка во месец декември изнесувала 11.725,93 денари, додека во ноември просечната цена изнесувала 10.654,24 денари.

Солиден пораст од 5,78 проценти забележаа и акциите на Стопанска Банка АД – Скопје, односно достигнаа просечна цена од 1.373,27 денари.

Тргувањето на Македонска берза со месеци наназад покажува дека банкарските акции се најатрактивни за инвеститорите.