Според податоците кои ги објави Македонската берза за периодот 01.07.-31.07.2022 година вкупниот промет изнесува 430.542.437 денари и бележи благ пораст од 0,97% во однос на претходниот месец јуни.

Класичното тргување изнесува 205.067.875 денари и бележи намалување во однос на јуни за високи 39,60%.

Во класичното тргување истргувани се акции во вредност од 185.549.414 денари и обврзници во вредност од 19.518.461 денари, додека пак нема забележано тргување со други хартии од вредност.

Блок трансакциите во јули изнесувале 225.474.562 и бележат висок пораст од 174,21%.

Бројот на трансакции во јули изнесувал 910, односно 387 трансакции помалку во однос на јуни, со што бележи намалување од 29,84%.

Според бројот на трансакции, идентично како и изминатите неколку месеци, лидер во најтргувани акции на официјалниот пазар за јули беа акциите на Комерцијална банка АД Скопје, со вкупно 313 трансакции, пред акциите на Алкалоид АД Скопје со вкупно 187 трансакции. Трети најтргувани акции по бројот на трансакции беа акциите на Макпетрол АД Скопје со 61 трансакции.

Според количината на истргувани акции, апсолутен лидер е РЖ Економика АД Скопје со 42.788 истргувани акции. На второто место се наоѓаат акциите на Макстил АД Скопје со 29.486 истргувани акции, а акциите на Стопанска банка АД – Скопје го заземаа третото место со 7.536 истргувани акции.

Целосниот месечен статистички билтен за јули 2022 година можете да го погледнете на следниов линк.