Според податоците кои ги објави Македонската берза за периодот 01.05.-31.05.2021 година вкупниот промет изнесува 577.516.979 денари и е намален за високи 40,11% во однос на претходниот месец април.

Класичното тргување изнесува 497.949.423 денари и бележи намалување во однос на април за 14,44%.

Во класичното тргување истргувани се акции во вредност од 489.718.003 денари и обврзници во вредност од 8.231.420 денари, додека пак нема забележано тргување со други хартии од вредност.

Блок трансакциите во мај изнесувале 79.567.556 и бележат драстично намалување од 79,19%.

Бројот на трансакции во мај изнесувал 1.687, односно 166 трансакции помалку во однос на април, со што бележи намалување од 8,96%.

Според бројот на трансакции, идентично како и изминатите неколку месеци, лидер во најтргувани акции на официјалниот пазар за мај беа акциите на Комерцијална банка АД Скопје, со вкупно 493 трансакции, пред акциите на Алкалоид АД Скопје со вкупно 446 трансакции. Трети најтргувани акции по бројот на трансакции беа акциите на НЛБ Банка АД Скопје со 124 трансакции.

Според количината на истргувани акции, апсолутен лидер е Гранит АД Скопје со 35.984 истргувани акции. На второто место се наоѓаат акциите на Комерцијална банка АД Скопје со 14.470, а акциите на Македонски Телеком АД Скопје го заземаа третото место со 9.604 истргувани акции.

Целосниот месечен статистички билтен за мај 2022 година можете да го погледнете на следниов линк.