Според податоците кои ги објави Македонската берза за периодот 01.12.-31.12.2021 година вкупниот промет изнесува 840.414.353 денари и е намален за 31,61% во однос на претходниот месец ноември.

Класичното тргување изнесува 754.690.781 денари и бележи зголемување во однос на ноември за 69,56%.

Во класичното тргување истргувани се акции во вредност од 431.449.081 денари и обврзници во вредност од 323.241.700 денари, додека пак нема забележано тргување со други хартии од вредност.

Блок трансакциите во декември изнесувале 85.453.250 и бележат високо намалување од 89,10%.

Бројот на трансакции во декември изнесувал 1.658, односно 68 трансакции повеќе во однос на ноември, со што бележи зголемување од 4,28%.

Според бројот на трансакции, идентично како и изминатите неколку месеци, убедлив лидер во најтргувани акции на официјалниот пазар за декември беа акциите на Комерцијална банка АД Скопје, со вкупно 600 трансакции, пред акциите на Алкалоид АД Скопје со вкупно 250 трансакции. Трети најтргувани акции по бројот на трансакции беа акциите на Гранит АД Скопје со 121 трансакции.

Според количината на истргувани акции, апсолутен лидер е Гранит АД Скопје со 19.382 истргувани акции. На второто место се наоѓаат акциите на Комерцијална банка АД Скопје со 15.925, а акциите на Стопанска банка Скопје АД – Скопје го заземаа третото место со 13.421 истргувани акции.

Целосниот месечен статистички билтен за декември 2021 година можете да го погледнете на следниов линк.