Според податоците кои ги објави Македонската берза за периодот 01.04.-30.04.2021 година вкупниот промет изнесува 686.557.257 денари и е намален за 9,37% во однос на претходниот месец март.

Класичното тргување изнесува 530.254.240 денари и бележи зголемување во однос на март за 24,97%.

Во класичното тргување истргувани се акции во вредност од 509.908.506 денари и обврзници во вредност од 20.345.734 денари, додека пак нема забележано тргување со други хартии од вредност.

Блок трансакциите во април изнесувале 156.303.017 денари и бележат значително намалување од 53,09%.

Бројот на трансакции во април изнесувал 1.681, односно 215 трансакции повеќе во однос на март, со што бележи зголемување од 14,67%.

Според бројот на трансакции, идентично како и изминатите неколку месеци, лидер во најтргувани акции на официјалниот пазар за април беа акциите на Комерцијална банка АД Скопје, со вкупно 329 трансакции, пред акциите на Алкалоид АД Скопје со вкупно 309 трансакции. Трети најтргувани акции по бројот на трансакции беа акциите на Гранит АД Скопје со 216 трансакции.

Според количината на истргувани акции, апсолутен лидер е Гранит АД Скопје со 84.603 истргувани акции. На второто место се наоѓаат акциите на Комерцијална банка АД Скопје со 11.168, а акциите на Стопанска банка АД – Скопје го заземаа третото место со 10.268 истргувани акции.

Целосниот месечен статистички билтен за април 2021 година можете да го погледнете на следниов линк.