Според податоците кои ги објави Македонската берза за периодот 01.06.-30.06.2020 година вкупниот промет изнесува 445.771.892 денари и е намален за 6,36% во однос на претходниот месец мај.

Класичното тргување изнесува 376.561.482 денари и е намалено во однос на мај за 12,08%.

Во класичното тргување истргувани се акции во вредност од 293.017.457 денари, обврзници во вредност од 61.626.272 денари, како и други хартии од вредност во износ од 21.917.753 денари.

Блок трансакциите во јуни изнесувале 69.210.410 денари и бележат висок раст од 44,98%.

Бројот на трансакции во јуни изнесувал 1.546, односно 110 трансакции повеќе во однос на мај, со што бележи зголемување од 7,66%.

Според бројот на трансакции, идентично како и претходните шест месеци, најтргувани акции на официјалниот пазар за јуни беа акциите на Комерцијална банка АД Скопје, со вкупно 554 трансакции, пред акциите на Алкалоид АД Скопје со вкупно 246 трансакции. Трети најтргувани акции по бројот на трансакции беа акциите на Гранит АД Скопје со 148 трансакции.

Според количината на истргувани акции, втор месец по ред најтргувани се акциите на Гранит АД Скопје со 22.425 истргувани акции. На второто место се наоѓаат акциите на Комерцијална банка АД Скопје со 18.472, а акциите на Стопанска банка АД Скопје го заземаа третото место со 15.726 истргувани акции.

Целосниот месечен статистички билтен за јуни 2020 година можете да го погледнете на следниов линк.