Според податоците кои ги објави Македонската берза за периодот 01.02.-28.02.2021 година вкупниот промет изнесува 1.390.563.281 денари и е зголемен за енормни 170,48% во однос на претходниот месец јануари.

Класичното тргување изнесува 1.004.456.344 денари и бележи огромен раст во однос на јануари за 155,37%.

Во класичното тргување истргувани се акции во вредност од 586.617.601 денари и обврзници во вредност од 417.838.743 денари, додека пак нема забележано тргување со други хартии од вредност.

Блок трансакциите во февруари изнесувале 386.106.937 денари и бележат зголемување од високи 219,68%.

Бројот на трансакции во февруари изнесувал 2.536, односно 1.022 трансакции повеќе во однос на јануари, со што бележи зголемување од 67,50%.

Според бројот на трансакции, идентично како и изминатите неколку месеци, апсолутен лидер во најтргувани акции на официјалниот пазар за февруари беа акциите на Комерцијална банка АД Скопје, со вкупно 714 трансакции, пред акциите на Алкалоид АД Скопје со вкупно 247 трансакции. Трети најтргувани акции по бројот на трансакции беа акциите на Гранит АД Скопје со 217 трансакции пред акциите на НЛБ Банка АД Скопје кои имаа 215 трансакции.

Според количината на истргувани акции, апсолутен лидер е Гранит АД Скопје со 75.742 истргувани акции. На второто место се наоѓаат акциите на Комерцијална банка АД Скопје со 25.143, а акциите на Стопанска банка АД – Скопје го заземаа третото место со 21.628 истргувани акции.

Целосниот месечен статистички билтен за февруари 2021 година можете да го погледнете на следниов линк.