Според податоците кои ги објави Македонската берза за периодот 01.12.-31.12.2020 година вкупниот промет изнесува 496.930.924 денари и е зголемен за 58,65% во однос на претходниот месец ноември.

Класичното тргување изнесува 400.619.219 денари и бележи раст во однос на ноември за 65,51%.

Во класичното тргување истргувани се акции во вредност од 369.840.120 денари и обврзници во вредност од 30.779.099 денари, додека пак нема забележано тргување со други хартии од вредност.

Блок трансакциите во декември изнесувале 96.311.705 денари и бележат зголемување од 35,31%.

Бројот на трансакции во декември изнесувал 1.437, односно 241 трансакции повеќе во однос на ноември, со што бележи зголемување од 20,15%.

Според бројот на трансакции, идентично како и изминатите неколку месеци, апсолутен лидер во најтргувани акции на официјалниот пазар за декември беа акциите на Комерцијална банка АД Скопје, со вкупно 509 трансакции, пред акциите на Алкалоид АД Скопје со вкупно 227 трансакции. Трети најтргувани акции по бројот на трансакции беа акциите на Макпетрол АД Скопје со 193 трансакции.

Според количината на истргувани акции, за разлика од претходните месеци кога лидер беше Гранит, сега приматот го презема Комерцијална банка АД Скопје со 22.703 истргувани акции. На второто место се наоѓаат акциите на Гранит АД Скопје со 16.135, а акциите на ЗК Пелагонија Битола го заземаа третото место со 4.294 истргувани акции.

Целосниот месечен статистички билтен за декември 2020 година можете да го погледнете на следниов линк.