Според податоците кои ги објави Македонската берза за периодот 01.10.-31.10.2020 година вкупниот промет изнесува 427.260.792 денари и е зголемен за 4,61% во однос на претходниот месец септември.

Класичното тргување изнесува 334.843.767 денари и бележи пад во однос на септември за 13,13%.

Во класичното тргување истргувани се акции во вредност од 333.840.854 денари и обврзници во вредност од 1.002.913 денари, додека пак нема забележано тргување со други хартии од вредност.

Блок трансакциите во октомври изнесувале 92.417.025 денари и бележат енормен пораст од неверојатни 302,58%.

Бројот на трансакции во октомври изнесувал 1.376, односно 366 трансакции помалку во однос на септември, со што бележи намалување од 21,01%.

Според бројот на трансакции, идентично како и изминатите неколку месеци, апсолутен лидер во најтргувани акции на официјалниот пазар за октомври беа акциите на Комерцијална банка АД Скопје, со вкупно 420 трансакции, пред акциите на Алкалоид АД Скопје со вкупно 238 трансакции. Трети најтргувани акции по бројот на трансакции беа акциите на Макпетрол АД Скопје со 172 трансакции.

Според количината на истргувани акции, шестти месец по ред најтргувани се акциите на Гранит АД Скопје со 34.855 истргувани акции. На второто место се наоѓаат акциите на Комерцијална банка АД Скопје со 17.960, а акциите на Македонски Телеком АД Скопје го заземаа третото место со 8.773 истргувани акции.

Целосниот месечен статистички билтен за октомври 2020 година можете да го погледнете на следниов линк.