Британската филијала на шпанската банка „Santander” по грешка уплатила 155 милиони евра на 75.000 трансакциски сметки, што ги изненади сопствениците на сметките на божиќното утро, кои не знаеле кој ги уплатил парите.

Вработените во банката се обидуваат да ја исправат грешката и да ги вратат парите, но го отежнува фактот тоа што голем дел од трансакциите се направени на клиенти со трансакциски сметки во други банки.

Грешката настанала кога двапати беа објавени плаќања од 2.000 деловни сметки.

Во соопштението на банката се наведува дека се водат разговори со банките кои ги примиле плаќањата, „Barclays”, „HSBC”, „NetVEST”, „The Co-operative Bank” и „Virgin Money”.

Инволвираните банки изјавиле дека ќе се обидат да ги вратат парите од сметките на своите клиенти.

Меѓутоа, како ќе се изведе целата постапка е нејасно и како ќе постапат банките во случај ако нивните корисници веќе да ги потрошиле парите, бидејќи враќањето може да доведе до незаконски минус на сметките.

Банката „Santander” навести дека може да го надмине проблемот со тоа што нејзините вработени директно да контактираат со луѓето за да им ги вратат парите што им биле уплатени по грешка.

Но, сето тоа ќе зависи од добрата волја на корисниците и дали ќе бидат фер и ќе ги вратат парите кои им биле по грешка префрлени на нивните трансакциски сметки или ќе си го задржат пријатниот новогодишен подарок!?