Connect with us
P2_P_MK_1600x400

Колумни

Клиент заглавен во експозитура на банка

Објавено

на

Стануваш наутро и сфаќаш дека денот нема да тргне на добро. Навиката ти вика користи мобилна апликација и плаќај што сакаш. Реалноста ти вика за тоа да го направиш мора да одиш да си ставиш пари на сметка. Стигаш кај најблиските банкомати, сфаќаш дека картичката што овозможува да ставиш пари од банкомат е истечена.

Немаш избор и одиш во друга банка каде што имаш валидна картичка за да ставиш пари. Од далеку ја гледаш гужвата. Си викаш ако има бројчиња лесно и брзо ќе дојдам на ред. Стапнуваш и ја здогледуваш машината што вади броеви. Се радуваш како мало дете на сладолед, бидејќи знаеш дека брзо ќе завршиш работа. Вадиш бројче, гледаш на листот 059, а на таблата пишува 053, си калкулираш дека има 3 шалтери и некако испаѓа математиката дека за 20тина минути ќе завршиш целосно работа. Звучи супер нели?

Но, тоа таму да ти било див запад. Да, се почитуваат бројчињата, ама ова е Македонија и системот мора да се изигра. Најфер играта што ќе ја приметиш: доаѓа клиент во 9 часот, зема бројче, оди да пазари и толку е вешт во играта како темпиран се враќа кога неговото бројче е на ред. Ако го прашаш како знаел кога мора да се врати одговор би бил најчесто: има 5 луѓе пред мене, по 5/6 минути секој да се задржи, за отприлика 30 минути треба да се вратиш за ти да си на ред.

Меѓутоа, има и полоши играчи, што сакале да се вратат ама нешто искрснало. Е тие се оние што се “пикаат„ преку ред. Ќе ги препознаете како пензионери што викаат дека мора итно да си одат бидејќи две годишното внуче ги чека дома. Тие може да имаат и бројче од вчера останато или повеќе бројчиња.

Уште полош играч: го пропуштил бројот бидејќи не бил во банката (не му оди математика и не може да пресмета за колку време да се врати). Е тој е така наречениот “шериф„ кој штом ќе стапне мора да биде негов ред бидејќи и така би одземал време да бил тука. Логика? 0% според сите присутни, а 100% според него.

Најлошиот, најкатастрофалниот вид за околината: се замуабетил и удобно му било во столчето за да стане кога бил на ред, па решил да дојде два броја подоцна. Го гледаш и се крстиш, се чудиш како може да биде ова легитимна причина да го пореметиш редот на чекање во банката. И вика, народски кажано “се дере„, зошто девојката на шалтер не сака да го прими.

Видот што најретко е застапен во банка, ендемски вид: културен граѓанин што уредно си го чека редот. Двајца/тројца и евентуално тој што стои пред врата бидејќи му умираат мозочни клетки ако стои внатре во нередот (океј, може да е само пушач треба да проверите добро).

И за нештата да бидат поинтересни: во некои експозитури, особено кога се земаат пензиите, клиентите имаат воспоставено нов систем. Се делат бројчиња со име и презиме на клиентот, за да не можат да се степаат кој прв ќе земе бројче и да не може да земе фрлено бројче кое е понапред. Ви звучи ова нормално?

Едно големо браво за вработените што работат на шалтер. Секој го условуваат со госпоѓо/господине, секој културно му кажуваат дека греши и ако може да не не вознемирува останатите, наоѓаат во милисекунда решение и начин секој клиент да си отиде задоволен (и малку нервозен, не многу) и на секој му викаат: “Добар ден, повелете„ кога ќе застане на шалтер со насмевка на лицето.

Завршувам работа после 40 минути иако мислев ќе бидат 20 минути. Си ветив дека освен ако не е живот или смрт во прашање нема да стапнам во ниедна експозитура на некоја од нашиве банки. Ги разбрав сите предности да сум дете на новата технологија. Ја разбрав вредноста за мене, моето време и психа што технологијата ми ги овозможува. И пак ме удри реалноста од глава, се јавувам да кажам за истечената картичка, ми викаат дојди во експозитура.

Ружа.

 

 

Колумни

Како популарните игри Fortnite и Clash of Clans се користат за перење пари?

Објавено

на

Кога мислите на перење пари, лесно е да се замислат салони за нокти, школки корпорации или банкарски сметки во странство. Но, како што се појавуваат нови технологии како криптовалутите, така се појавуваат и нови методи за претворање на нелегално стекнатите придобивки во оданочен приход. Сепак, најочигледните методи не се најдобри. Додека биткоинот продолжува да напредува, креаторите на политики, полицијата и обвинителите инвестираат повеќе ресурси во борбата против нелегалните шеми. Како одговор, постои сомневање дека претприемничките криминалци се свртуваат кон поиновативни решенија, како перење пари со помош на масивни мултиплеер игри. (more…)

Продолжи со читање

Колумни

Клиенти кои знаат сè…

Објавено

на

Сите сме ја слушнале познатата изрека “Клиентот е секогаш во право” и до некаде може да се сложиме со оваа констатација единствено поради фактот дека ние – продавачите сме таму токму поради клиентите и реализирањето на нивните барања, потреби, желби, но… (more…)

Продолжи со читање

Колумни

Перење на трансакции е новиот, напреден облик на перење пари

Објавено

на

Електронското перење пари, познато како Перење на трансакции, е дигитална еволуција за перење пари и стана еден од најголемите предизвици со кои се соочува режимот против перење пари (АМЛ) денес. Принципот е едноставен: непознат онлајн бизнис користи платежни ингеренции на овластен трговец за обработка на трансакции со кредитни картички за непознати производи и услуги. Перењето на трансакции претставува форма на перење пари што се случува кога плаќањата се за незаконски цели – како фалсификувана стока, дрога, нелиценцирано коцкање – се обработуваат од страна на легитимни трговци во име на друга страна. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange