Connect with us

Осигурување

КБ Прв отворен доброволен пензиски фонд веќе управува со 15 милиони евра издвоени за дополнителна пензија

Објавено

на

Според податоци на Друштото, средствата со кои управува КБ Прв отворен доброволен пензиски фонд, а кои членството ги издвојува на доброволна основа, на крајот на октомври 2019 година веќе изнесуваат 15 милиони евра. КБ Прво пензиско друштво, веќе 10 години управува со средствата на КБ Прв отворен доброволен пензиски фонд, кои во него граѓаните и компаниите ги издвојуваат за дополнителна пензија и посигурни пензионерски денови. На крајот на минатата 2018 година, според податоците на Агенцијата за супервизија на капитално финансирано пензиско осигурување (МАПАС), друштвото управуваше со околу 13 милиони евра.

Примарна цел на доброволното капитално финансирано пензиско осигурување е обезбедување повисок приход по пензионирањето за осигурениците кои се веќе осигурени во едностолбниот, односно во двостолбниот пензиски систем. Но исто така е и начин за обезбедување пензија за оние кои не се опфатени со задолжителното пензиско осигурување и на овој начин можат да издвојуваат средства лично за себе или тоа за нив да го прават други лица. Во третиот столб може да издвојуваат и компании или здруженија на граѓаните кои преку професионални пензиски шеми организираат и финансираат дополнително пензиско осигурување за своите вработени, односно членови.

Членот, уплаќачот и осигурителот во доброволните фондови имаат право слободно да ги одредуваат висината на уплатениот износ и динамиката на уплатата, а промената на висината на уплатата, или прекинот на уплатата не влијаат на правото на членство во фондот, односно не значат прекин на членството. Износите на доброволните придонеси ги определува осигурителот, за сите учесници во професионалната пензиска шема, која тој ја организира и ја финансира и ги определува како процент од платата на членот или пак фиксен износ, кој е вклучен во професионалната пензиска шема.

Средствата од третиот столб можат да се повлечат најрано десет години пред возраста за стекнување право на старосна пензија, што во моментов би значело најрано на возраст од 54 години за мажи, односно 52 години за жени. Средствата може да се исплатат со еднократна или повеќекратна исплата, со програмирани повлекувања обезбедени од друштвото кое управува со доброволен пензиски фонд, како пензиски ануитет преку друштво за осигурување или со комбинација од овие опции. Издвоените средства се наследни.

Средствата со коj управува КБ Прв отворен доброволен пензиски фонд се инвестираат за да се обезбеди што поголем принос за членството, а под постојан надзор на Агенцијата за супервизија на капитално финансирано пензиско осигурување – МАПАС.

Друштвото и во иднина ќе продолжи со највисок степен на грижа за средствата на своите членови.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02 3224 229.

Осигурување

Поддршка во борбата со рак на дојка: Сигурност во најпотребните животни моменти со Халк Осигурување

Објавено

на

Секојдневно три од четири случаи се дијагностицираат со рак на дојка, повеќе од 250 жени заболуваат месечно, додека 90 од нив ја губат битката. Со овие статистики ракот на дојка претставува најчест облик на тумор кај жените. Периодот на КОВИД-пандемијата го отежна пристапот до медицинска услуга и до третман, а уште повеќе и до одложување на дијагностицирањето на заболувањата. Затоа, повеќе од кога и да било, потребни се, пред сè,  самопрегледите, превенцијата и раното детектирање на состојбите.   (more…)

Продолжи со читање

Осигурување

Потврден одличниот кредитен рејтинг на Сава Ре од страна на AM Best

Објавено

на

По редовниот годишен преглед, агенцијата за рејтинг AM Best го потврди „A“ рејтингот на финансиската моќ и „А“ долгорочен кредитен рејтинг на Сава Ре,  при што перспективата ја оцени како „стабилна“. (more…)

Продолжи со читање

Осигурување

Групацијата Триглав финансиски многу силна и со стабилно работење

Објавено

на

Агенцијата за кредитен рејтинг „AM Best”, при редовниот годишен преглед, на Заваровалница Триглав и на Позаваровалница Триглав РЕ повторно им ги потврди бонитетната оценка »A« (одлично) за финансиска моќ и долгорочната бонитетна оценка за кредитна способност на издавачот »a«. Бонитетните оценки имаат стабилна среднорочна прогноза, и се одраз на очекувањата на агенцијата, Триглав среднорочно да го зачува доброто работење, својата силна финансиска позиција и водечката пазарна улога во Словенија и во регионот, каде што Групацијата е присутна. (more…)

Продолжи со читање

Популарно