Традиционалниот настан по повод „Светскиот ден на штедењето“ и оваа година беше организиран од страна на Македонската банкарска асоцијација, во соработка со Фондот за осигурување на депозити и комерцијалните банки.

Во рамки на традиционалното одбележување на „Светскиот ден на штедењето“ најдобрите службеници од банките и финансиските институции за 2020 година беа прогласени на виртуелен настан на кој високи претставници од финансискиот сектор им упатија честитки и пофалби за покажаниот успех и резултати во работењето.

Вработените во филијалите, како никоја година претходно, оваа година играат клучна улога за достпаноста на производите и услугите на Банката за клиентите. Работејќи под посебни услови, со многу мерки за претпазливост и заштита, и спроведувајќи бројни проекти од јавен интерес, вработените во Стопанска банка АД – Скопје доследно и професионално ги извршуваат своите активности.

Стопанска банка АД – Скопје им се заблагодарува на сите за нивниот придонес, а посебно ги издвојува вработените кои го добија статусот на најдобри во 2020 година:

– Паце Сековска, филијала Битола

– Татјана Митрева, филијала Струмица и

– Катерина Ивановска, филијала Јане Сандански

Успехот на вработените е резултат на менторството и тимската работа во нивните филијали, а секако и поттик за идните генерации вработени во филијалите на банката.

Стопанска банка АД – Скопје им посакува многу здравје, среќа, успех и професионално напредување.