Каталонците масовно повлекуваат пари од банките што ги преселија своите седишта на други локации во Шпанија во ек на кризата по референдумот за независност.

Приврзаниците на идејата за отцепување на Каталонија синоќа ги повикаа Каталонците да ги повлечат парите од банките и така да извршат притисок врз тие институции.

Десетици луѓе денеска чекале во редици пред филијала на банката „Каиша“ во центарот на Барселона.

Повеќето од нив повлекуваат по 150 или 160 евра од банкоматите. Износот е симболичен имајќи предвид дека според членот 155 од Уставот на Шпанија владата може да ја суспендира автономијата на Каталонија.

Двете големи каталонски банки, „Каиша“ и „Сабадељ“, ги преселија седиштата од Каталонија по референдумот.