Според податоците кои ги објави Македонската берза за периодот 01.01.-31.01.2020 година вкупниот промет изнесува 581.920.924 денари и е драстично намален за 23,98% во однос на претходниот месец декември.

Класичното тргување изнесува 498.623.924 денари и е зголемено во однос на декември за 4,75%.

Во класичното тргување истргувани се акции во вредност од 489.864.160 денари и обврзници во вредност од 8.759.764 денари.

Блок трансакциите во јануари изнесувале 83.297.000 денари и бележат огромен пад од 69,42%.

Бројот на трансакции во јануари изнесувал 1.812, односно 44 трансакции повеќе во однос на декември, со што бележи раст од 2,49%.

Според бројот на трансакции, идентично како и претходниот месец, најтргувани акции на официјалниот пазар за јануари беа акциите на Комерцијална банка АД Скопје, со вкупно 456 трансакции, пред акциите на Гранит АД Скопје со вкупно 294 трансакции. Трети најтргувани акции по бројот на трансакции беа акциите на Алкалоид АД Скопје со 285 трансакции.

Според количината на истргувани акции, најтргувани беа акциите на Гранит АД Скопје со високи 51.181 истргувани акции. На второто место се наоѓаат акциите на Комерцијална банка АД Скопје со 21.178, а акциите на Стопанска банка АД – Скопје го заземаа третото место со 11.905 истргувани акции.

Целосниот месечен статистички билтен за јануари 2020 година можете да го погледнете на следниов линк.