Connect with us

Лични финансии

Како да пронајдете купувачи за вашиот производ?

Објавено

на

За целосно развивање на вашата деловна идеја и претворање во специфична услуга или квалитетен производ, а потоа да ги привлечете оние кои сакаат да го користат производот или услугата и притоа цената да одговара на нивна плата, потребно е да го истражувате пазарот, да ја идентификувате вашата целна публика и да се запознаете со нејзините потреби.

Кога започнувате ваш сопствен бизнис, овој чекор често е најважен: Доколку одберете и мапирате на кои клиенти точно ќе го нудите производот или услугата, а потоа создадете оптимална и стабилна база на клиенти, вашиот бизнис станува одржлив и има потенцијал да расте.

Дали сте слушнале за „продажната инка“?

Една од најпознатите тактики за идентификување на клиенти се нарекува “инка за продажба”, токму затоа што може графички да се прикаже како инка. Започнува со наоѓање колку што е можно повеќе потенцијални купувачи, од кои во секоја следна фаза, отпаѓа по некој од нив, и на крајот остануваат само одреден процент од луѓето кои се ваши вистински клиенти. Тие се наоѓаат на последниот, најтесниот дел од инката – но за вас и најскапоцениот.

Сепак, првично идентификувањето на потенцијалните клиенти не е воопшто лесна задача и преку оваа почетна фаза не треба лесно да се помине. Всушност, од квалитетот и критериумите на овој избор и селекција директно ќе зависи бројот на луѓе кои ќе завршат како вистински купувачи на вашите производи и услуги, а со самото тоа и успехот на вашиот мал бизнис.

Запознајте го вашиот „идеален клиент“

Првиот чекор во пронаоѓањето на потенцијални клиенти е дефинирање на сите карактеристики што треба да ги има идеалниот купувач на вашите производи. Овој процес е малку полесен за разлика од првата фаза, ако бизнисот е „постар“ – кога продавате нешто долго време, сè што треба да направите е да креирате список на карактеристики што ги споделуваат вашите најважни клиенти. Меѓутоа, ако влегувате на нов пазар или започнете да продавате нов производ, треба да направите темелно истражување со цел да создадете „фото-робот“ на вашиот идеален клиент.

Да речеме дека сте направиле истражување и врз основа на добиените резултати утврдивте дека вашиот идеален клиент е оженет, во средните 30-ти години, вработен, има деца и има просечна плата од 60.000 денари. Следниот чекор е да размислите каде можете да најдете потенцијални клиенти што одговараат на овој профил? Понекогаш овој метод на продажба се нарекува и “лов на клиентите”.

За “лов на клиентите” потребно многу време и ресурси затоа што бара постојана анализа, мониторинг и привлекување нови заинтересирани лица. Процесот е макотрпен, како што може да се забележи, бидејќи сите потенцијални клиенти не се наши реални клиенти.

На пример, ако вообичаено 10 проценти од вашите потенцијални клиенти постанат ваши вистински, реални клиенти, а потребни ви се десет нови клиенти неделно, тогаш ќе треба да обезбедувате 100 нови контакти секоја недела, за вашиот бизнис да доживее раст и да биде одржлив.

Како да им го привлечете вниманието на клиентите

Се прашувате како најдобро да пристапите во “лов на идеалните клиенти” кои ги дефиниравте и како да го привлечете нивното внимание?

Во продолжение три основни совети кои ќе ви помогнат:

Излезете на пазарот и одете во потрага по нив! Времето во кое живееме ви отвора многу можности и ви дава многу канали на комуникација: можете да пребарувате клиенти преку Интернет, социјални мрежи, преку други контакти, директно од врата до врата или на други специфични начини. Размислете кој од овие начини најдобро би функционирал за вашиот идеален профил на клиенти.

Покрај тоа, одвојте време за детално да ги испитате потребите и желбите на вашите потенцијални клиенти, за да бидете сигурни дека вашите услуги или производи се соодветни за нив. Кој е нивниот начин и стил на комуникација? Што сакаат, а што не? Што ги интересира и што им го привлекува вниманието?

На тој начин, ќе бидете многу поподготвени да го остварите вашиот прв контакт и да ја претставите вашата компанија на најдобар начин, а со тоа на најдобар начин ќе им ја побудите и потребата од вашите производи или услуги.

По добро детално истражување, направете стратегија за пристап и започнете средби со вашите потенцијалните клиенти. Пристапете кон нив, остварете го првиот контакт, претставете ја вашата компанија, производ или услуга и на најдобар начин објаснете им ја потребата од вашите производи или услуги.

Обратна инка за продажба

Друга вообичаена тактика што се користи кога веќе имате формиран производ или услуга и сакате да ја проширите вашата вистинска база на клиенти е да ја свртите продажната инка наопаку – наместо да се фокусирате на постојано наоѓање нови потенцијални клиенти и да гледате како повеќето од нив отпаѓаат во процесот на селекција, направете го спротивното.

Ваша појдовна точка нека биде вашата база на задоволни клиенти и со нивна помош и препорака добијте нови потенцијални клиенти. Препораката и убавиот збор од задоволен купувач, значи речиси 50% завршена работа кај новиот потенцијален клиент.

Меѓу другото, оваа тактика е метод за развој на клиентите – работа со постојни клиенти, поттикнување на добри односи со нив и нивните искуства, така што тие ќе продолжат да соработуваат со вас и дополнително да ви препорачуваат и со тоа да ви донесат нови потенцијални клиенти. Оваа опција е исто така, најевтина – соодносот на инвестиција и придобивка е најголем.

Сепак, имајте на ум дека, особено во почетната фаза на растење на вашиот мал бизнис, веројатно ќе треба да ги комбинирате двата модели на продажба за да ги постигнете своите цели.

На пример, ако имате 10 клиенти и сакате да достигнете бројка од 1.000, не можете да се потпрете само на препораките од вашите задоволни клиенти – ќе треба многу нови препораки и уште повеќе вложено време. Од друга страна, ако го поминете целото време во потрага по нови клиенти, ќе ја пропуштите можноста да добиете помош од оние што веќе ги имате, кои сакаат и ценат сè што правите за нив.

Лични финансии

10 навики на богатите луѓе кои можат да ви донесат финансиска слобода

Објавено

на

Ви се чини дека другите се поуспешни од вас поради среќа или одреден сплет на околности? Па, и не мора секогаш да биде така. Иако, секако, никој од нив не успеал на потполно идентичен начин, сепак богатите и успешни луѓе често имаат многу слични животни навики. (more…)

Продолжи со читање

Лични финансии

Како да направите парите да работат за вас, наместо вие за пари?

Објавено

на

Работењето од наутро, па се до доцните вечерни часови, дефинитивно не е решение. Многу луѓе работат дури и прекувремено за да заработат колку што е можно повеќе пари, но на крајот повторно немаат доволно. Верувајте, нема ништо да постигнете ако целото време го поминувате на работа. (more…)

Продолжи со читање

Лични финансии

Бизнис бар: Како да давате совети без да изгледа дека шефувате

Објавено

на

Убаво е да им понудите зборови на мудрост на оние во вашите најблиски кругови, но границата помеѓу искреното давање совети и изгледот на сезнајко може да биде мала. Дури и ако вашиот совет е побаран или добредојден, сепак може да биде незгодно бирањето на вистинската порака. Уште покомплексно е да го понудите вашиот совет ако не се побара. (more…)

Продолжи со читање

Популарно