Електронската комуникација, меѓу другото, бара од нас поретко или почесто да напишеме деловен email, односно електронско писмо. Без разлика дали станува збор за апликација за работа, комуникација со долгорочен соработник, понуда за соработка до потенцијален деловен партнер или нешто сосема друго, не е сеедно како ќе го напишеме. 

Како и многу други навидум секојдневни и неважни елементи од нашето однесување, и способноста за електронска комуникација влијае врз впечатокот за нашата професионална способност.

Еве неколку совети како да напишете ефективен е-маил:

1. Кој?, Претстави се кој си.

2. Што?, Која е целта на твојот е-маил? Што е тоа што сакаш да го постигнеш, ова е најчесто делот каде што го пишуваш твоето барање.

3. Зошто?, Зошто таа личност би имала корист ако се согласи со твоето барање, која е вредноста со која придонесуваш (реченица или две).

4. Како?, Како сакаш тие да одговорат на твоето барање, како би се надоврзал на тоа.

5. Кога?, Дали имаш временски рок во кој сакаш да ти одговорат или одредена временска рамка според која работиш или според која личноста треба да ти одговори.