На њујоршки Волстрит во средата берзанските индекси силно пораснаа, откако американската централна банка Federal Reserve (ФЕД) ги зголеми клучните каматни стапки како и што се очекуваше, а нејзиниот претседател Џером Пауел порача дека во иднина темпото на растот на каматите би можело да биде забавено.

И на европските берзи цените на акциите во средата пораснаа. Лондонскиот индекс „FTSE” зајакна за 0,57 проценти на 7.348 поени, франкфуртскиот „DAX” порасна за 0,53% на 13.166 поени, а парискиот „CAC” индекс скокна за 0,75 отсто, на 6.257 индексни поени.

Трендот на раст во текот на вчерашниот ден беше потврдени и на најголемиот светски пазар со хартии од вредност. Така, на Волстрит индексот „Dow Jones” се зголеми за 436 поени или за 1,37 проценти на 32.197 поени, „S&P 500″ порасна за 2,62 проценти на 4.023 поени, додека индексот „Nasdaq” се големи за 4,06 отсто, на 12.032 индексни поени.

Како што се очекуваше, ФЕД на редовната месечна седница во средата ги зголеми клучните каматни стапки за дополнителни 0,75 процентни поени, втор месец во ред во распонот од 2,25 до 2,50 п.п.

Зголемувањето на каматите за вкупно 1,5 проценти во два месеца претставува најагресивното заострување на монетарната политика во САД од 1990-те години. Американската централна банка на тој начин настојува да ја сузбие инфлацијата, којашто во моментов се движи на највисоките нивоа по повеќе од 40 години, 9,1%.

Вложувачите, пак, ги охрабри изјавата на претседателот на ФЕД, Пауел кој ан прес-конференцијата рече дека натамошните потези на централната банка ќе зависат од идните економски показатели и дека би требало да се очекува забавување на темпото на заострување на монетарната политика во САД.

„Откако монетарната политика дополнително е заострена, во следниот период веројатно ќе е соодветно да биде забавено тоа темпо, додека не ги анализираме ефектите на прилагодувањето на нашата политика врз економијата и инфлацијата“, рече Пауел.