Популарниот американски астрофизичар Нил де Грас Тајсон на сликовит начин опиша колку е навистина богат сопственикот на „Amazon“, Џеф Безос.

На својот Инстаграм профил тој на интересен начин опиша 200 милијарди долари, колку што изнесува богатството на Џеф Безос.

„Никој не ме праша за тоа, но ако банкнотите од еден долар во вкупен износ од 200 милијарди долари, колку што изнесува богатството на Безос, се наредат една покрај друга, тие би биле доволни 180 пати да ја обиколат планетата Земја.

До Месечината би можело да се стигне и да се врати 30 пати, а со остатокот од парите може да се направи куп висок 10 километри“, посочи Де Грас Тајсон.

View this post on Instagram

Not that anybody asked, but laid end-to-end @jeffbezos’ 200-Billion dollars can circle Earth 180 times, then reach the Moon & back 30 times — and with what’s left over, make a stack 10 kilometers high.

A post shared by Neil deGrasse Tyson (@neildegrassetyson) on Aug 28, 2020 at 6:45am PDT

За потсетување, пред неколку дена, најбогатиот човек на светот стана уште побогат.

Богатството на Безос достигна неверојатни 200 милијарди долари.

Американското бизнис списание „Forbes“ смета дека богатството на Џеф Безос е најголемото досега. Компанијата „Amazon“ работи исклучително добро.