Connect with us

Странски банки

Италијанскиот банкарски Робин Худ се спаси од затворска казна

Објавено

на

Робин Худ е архетипски лик од британскиот средновековен фолклор, одметник кој краде од богатите за да им даде на сиромасите. Главно оружје му е долг лак и стрела, кое му служи и како средство за ловокрадство.

Еден ваков Робин Худ доби Италија. Наместо лак и стрела, ги користел системите и сметките на банката.  Тој земал мали суми од богати клиенти со цел да ги пренасочи за оние кои не можеле да се квалификуваат за кредит. Банкарот никогаш не присвоил ниту едно евро за себе – и избегнал да оди во затвор по спогодба што  ја направил со властите.

Станува збор за банкарот Жилберто Башиера. Тој бил менаџер во банка во малиот планински град Форни ди Сопра, каде што за период од седум години одзел околу 1 милион евра.

„Отсекогаш мислев дека покрај заштитата на штедачите, нашата должност е и да им помогнеме на оние кои се во неповолна ситуација“, изјавил Башиера, според италијанскиот весник „Кориере Дела Сера“.

Меѓутоа, неговата приказна нема баш најсреќен крај, пишуваат некои италијански медиуми. Неговиот адвокат Роберто Мете изјави за BBC дека Баскиера останал без работа и без дом.

„Сакаше да им помага на луѓето кои не можеа да добијат кредит на нормален начин“, рече Мете.

Кога некој граѓанин ќе дојдел да побара кредит од банката каде што работел Баскиера, но не ги исполнувал условите, тој им „додавал“ пари на сметката за да може да се квалификуваат за кредит.

Благодарните клиенти се согласувале веднаш да ги вратат парите, но некои не ги враќале, а со тоа Баскиера останувал изложен и сѐ потешко ги „покривал“ дупките. Во текот на неколку години, сумата пораснала на еден милион долари.

Поосле судењето, изјавил дека ако има можност нема да го повтори делото бидејќи цената што ја платил за неговата добрина била превисока: ги изгуби куќата и работата.

 

Странски банки

ОТП банка ја презема бугарската подружница на Сосиете Женерал

Објавено

на

Врз основа на купопродажниот договор потпишан на 1 август 2018 година, реализирана е трансакција во која ДСК банка, членка на ОТП група се стекна со 99,74% удел во Сосиете Женерал Експресбанк, бугарската подружница на Сосиете Женерал групацијата. (more…)

Продолжи со читање

Странски банки

Кина вбризга рекордни 83 милирди долари во банкарскиот систем

Објавено

на

Централната банка на Кина инјектираше 560 милијарди јуани (83 милијарди долари) во домашниот банкарски систем, што е рекорден износ вбризган во банкарството за еден ден, оценува каналот „CNBC“. (more…)

Продолжи со читање

Странски банки

Сметки за режиски трошоци во Србија ќе се плаќаат преку “СИСТЕМ ЗА ПРЕПОЗНАВАЊЕ ЛИЦА”

Објавено

на

Граѓаните на соседна Србија од март годинава ќе имаат можност да ги плаќаат тековните сметките преку систем за препознавање лице (face recognition), најави за Танјуг гувернерот на НБС, Јоргованка Табаковиќ.

Народната банка на Србија планира во првиот квартал од 2019 година да ја воведе оваа нова услуга, која е дел од решението за инстант плаќања, чија имплементација започна во октомври минатата година.

“Ќе биде можно преку скајп или визуелна идентификација на клиентот да се реализира плаќањето”, вели Гувернерката.

“Тоа ќе биде навистина револуционерна иновација како дополнување на инстант плаќањето. Иако сме подготвени со тимот да стартуваме веднаш, сепак ќе почекаме да помине евалуацијата за напредокот на Србија во поглед на спречување перење пари за да бидеме сигурни дека оваа нова услуга може да се пушти за користење”.

Конкретен датум кога граѓаните ќе имаат можност да започнат со користење на оваа услуга ќе се знае по состанокот на MANIVAL (Европски комитет за спречување перење пари и финансирање тероризам) кој ќе се одржи на 23. јануари.

На состанокот ќе се анализира напредокот на Србија во примената на сите правила поврзани со перење пари, а доколку ставот на оваа институција биде позитивен, плаќањето преку препознавање на лице може да биде пуштен во употреба веќе во февруари.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange