Connect with us

Останато

Истражување: Еврозоната влегува во двојна рецесија, но оптимизмот расте

Објавено

на

Економијата во еврозоната сосема извесно влегува во двојна рецесија бидејќи мерките за затворање продолжуваат да ја попречуваат услужната индустрија, но надежите за зајакнување на кампањите за вакцинација го зголемија деловниот оптимизам на највисоко ниво во последните три години, покажа денеска објавеното истражување на аналитичката фирма „IHS Markit”.

Индексот на менаџерите за набавки на Markit (PMI) за февруари, кој се смета како добар показател за економското здравје, се зголеми на 48,8 поени од 47,8 поени во јануари, но сепак останува под границата од 50 поени, одделувајќи го растот од падот.

Зголемувањето на вредноста на индексот најмногу се должи на речиси рекордниот раст на производството, бидејќи фабриките во 19 земји кои го користат еврото генерално останаа отворени по обновените рестриктивни мерки насочени кон спречување на зголемувањето на бројот на новите случаи на коронавирусот.

Од друга страна, угостителските објекти и места за забава морале да останат затворени, а властите им препорачуваа на граѓаните да останат дома.

Економијата во еврозоната забележа пад во првите два квартала од 2020 година, а голем број економисти предвидоа во минатомесечното истражување на Ројтерс дека ќе се повторат двата последователни квартални падови – во минатогодишниот последен и првиот овогодишен квартал.

Како сериозни закани се наведени бавниот процес на вакцинација во ЕУ, загриженоста за новите мутации на коронавирусот поради кои се продолжуваат мерките за заклучување, придушената економска активност и зголемувањето на невработеноста.

И покрај се што е наведено, бизнисмените очекуваат негативните ризици да бидат неутрализирани, при што индексот на идното производство, кој го мери нивниот оптимизам, се зголеми на 67 поени од претходните 64,2 поени.

Останато

Користењето на вештачка интелигенција е секојдневие во работењето на ИутеКредит

Објавено

на

Креирањето на исклучително корисничко искуство на нашите клиенти е мисијата на Иуте Кредит. Како напредна финтек компанија користиме напредни технологии во секојдневното работење особено при услужувањето на клиентите. Нашата мобилна апликација Мој Иуте (MyIute), достапна и преку нашата веб страна, овозможува целосно самоопслужување, независност и дискреција. (more…)

Продолжи со читање

Останато

Дури 40% онлајн продавници во ЕУ користат манипулативни техники

Објавено

на

Од 399 онлајн продавници кои властите на Европската унија ги контролираа во претходниот период, дури 148 учествуваат во манипулативен бизнис, соопшти Европската комисија. (more…)

Продолжи со читање

Криптовалути

КРИПТОВАЛУТИТЕ СЕ ПОВТОРНО ИН – Биткоинот порасна за 40% во јануари!

Објавено

на

Големите инвеститори повторно почнаа да вложуваат во криптовалути по еден месец на масовен раст на биткоинот од 40 проценти во јануари оваа година. Инвеститорите забележаа прилив од над 117 милиони долари минатата недела, најголем неделен пораст од јули минатата година, според податоците на „CoinShares“. (more…)

Продолжи со читање

Популарно